Servìtziu tzivile, 27 seletziones in sos Comunes de s'Unione
De sos 62mìgia e barda operadores voluntàrios pro sos progetos de su Servìtziu tzivile universale (in Itàlia e in aterue), 27 los ant a seletzionare dae sos 9 Comunes de s’Unione de su Monte Arvu (Bitzi, Lodè, Lùvula, Onanie, Osidde, Pasada, Thiniscole e Torpè). Sos progetos, presentados e finantziados dae s’Unione matessi, bator sunt in totu: "Agorà", pro potentziare sos servìtzios ofertos dae sas bibliotecas comunales, cun dòighi seletziones (bator in Lùvula, duas in Onanie e duas in Orune); "Anima cult", pro promòvere sa difusione de sa cultura comente motore de crèschida sotziale, cun bator postos in Thiniscole ebbia; "Identità", cun sa punna de ispainare sa connoschèntzia, de promòvere e avalorare su patrimòniu istòricu, artìsticu e culturale (duas seletziones in Bitzi e duas in Osidde); "Turismo sociale, sostenibile e solidale", cun sete unidades (una in Lodè, duas in Pasada e bator in Torpè), pro aprontare un'oferta chi garantat sa fru...