Novas, contos e cuentos

  In custu vìdeo curtzu sa faina de Graziano Geranio (chi faeddat contende∙nos∙la) chi nch'at giutu sa pompia a sas elementares de carrera de Gramsci a pustis de l'àere propostu a sa dirigente Antonella Piredda. A concruos de su vìdeo su passàgiu de su testimone a sas generatziones noas cun s'intregu de su sèmene.

  Che a cada annu Bitzi presentat sa manifestatzione iverrenile de sas Cortes de Natale, dae su 22 a su 31 de nadale, pro more de su contributu de sa Regione Autònoma de sa Sardigna ( lege regionale 7) e de su patrotzìniu de su Comunu de Bitzi e de Tepilora, Rio Posada e Montalbo - Riserva de sa Biosfera MaB Unesco.  Una filera de atividades caraterizadas dae s'ispìritu de Nadale e de totu s’atmosfera chi naschet in su coro de sa Sardigna, intre istòria, legenda e imaginàriu, in ocasione de sas festividades de nadale. Sa manifestazione at a acabare su 31, cun una die prena de atividades e de traditziones religiosas e populares chi at a cumintzare giai a sas primas lughes de s'arbèschida cun su ritu de “S'arina capute”, cando sos pitzinnos, atobende domo pro domo, ant a gollire durches, frùtora e carchi soddeddu, sinnos de bona sorte pro s'annu nou chi est intrende.  A sighire, in pratza Giorgio Asproni, in cursu Vittorio Veneto e in sos gùturos de su tzentru istòricu b...

  Su Comunu de Thiniscole cun sa partetzipatzione de su Coro Polifònicu “Su Siniscolesu” est organizende su cuntzertu “Oches de Natale”. Ant a cantare sos artistas Pinuccio Cossu, Danilo Dessì, Lucia Budroni, Luigino Cossu, Su “Coro Vadore Sini de Sarule”, su “Coro su Siniscolesu” de Thiniscole, su “Coro Urisè de Orosei” e su “Coro Sant’Austinu de Alà”. Su cuntzertu at èssere fatu in sa crèsia Santu Juanne Batista de Thiniscole sàbadu 23 a sas 8 de sero, cun sa partetzipatzione ispetziale de Giovanni Puggioni de su “Duo Puggioni”.

  S’Amministratione Comunale de Pasada, in collaboratzione cun sa Pro Loco, organitzat pro su 23 de nadale unu borta de die de colare in pratza totu in pare.  A comintzare dae sas bator b’ant a èssere giogos pro pitzinnos, mùsica, roba de mandigare, espositores e sa Domo de Babbo Nadale. A sighire, a sas ses in s’Auditòrium Comunale, ant a projetare su film “Nel cielo un rombo di tuono” unu docu-film chi contat sa vida de su campione de fùbalu Gigi Riva.

  Su 23 de nadale a sas 4 de borta de die, in pratza “Caduti sul Lavoro”, Su Comunu de Torpè, in collaboratzione cun sa Càmera de Commèrtziu de Nùgoro, est organizende, unu ispetàculu de traditziones popolares: “Natale a Torpè”. Ant a cantare e a sonare Morgana Brais, Chiara Magrini, Elisa Doddo, Kekko Spanu cun su grupu folk Sos Oriundos, Giovanni Magrini, Alessandro Magrini, Michele Mastiu, Massimo Satta, Antonio Corda, su Tenore Selema Torpè e su Grupu Folk Santu Predu de Torpè cun Alessandro Satta.

Compila su cuestionàriu inoghe Caricamento…

OSIDDE - Sighit su 22 de nadale, a sas 6 de merie in su salone parrochiale in carrera de Sant’Anzelu, sa rassigna “Visioni made in Sardegna - Il cinema incontra le piccole comunità” organizada dae Malik Ets in pare cun sas amministratziones de s’Unione de sos Comunes de su Monte Arvu. Sa die ant a projetare “Il Muto di Gallura ” de Matteo Fresi. Ambientadu in sa metade de s’Otighentos in Gaddura, su film nos contat de sa gherra intre sas famìlias de sos Vasa e de sos Mamia. protagonista de s’istòria Bastiano Tansu, su mudu. Ma grandu punteri.