Novas, contos e cuentos

  In s'àmbitu de sa realizatzione de su progetu internatzionale “Silvanus”, dedicadu a sa preventzione e a sa gestione de sos fogos e a su recùperu de sas àreas brusiadas, chenàbura 27 de cabudanni in sa sede de su Parcu de Tepilora, a Bitzi, b’at a èssere unu laboratòriu abertu a sos tzitadinos de su territòriu. S'addòbiu est a sas 9, in sa carrera Deffenu, 69.

  S'Avis de Posada at organizadu una àtera mangianada pro sa donatzione de su sàmbene, non mancadas sàbadu 28 de cabudanni dae sas 8 a sas 12 in pratza Rockfeller. Prenota sa donatzione cun whatsapp a su n.  3533956415.

  Dae su 7 de santugaine ant a torrare sas letziones de ballu sardu in Pasada in s’iscolàsticu betzu in sa carrera Deffenu nùmeru 1. Sa Pro Loco de Pasada at organitzadu sas letziones in collaboratzione cun sos mastros Arduino e Roberta Carta.  Pro ballare paris non mancadas sos lunis e sos mèrcuris a sas 18.

  Puru custu  annu s'annoat s'addòbiu cun Caes abertos e custa borta pertocat unu tema de importu vitale: su consumu de sa terra.  Su primu addòbiu in programma at a èssere su 24 de cabudanni a sas 16:00 pro unu merie dedicadu a sa pulitzia e prantadura de fundos e de matas in Santu Juanne. S'amparu de su territòriu nostru cumintzat cun nois e cada gestu piticu contat! S'eventu est gratuitu e abertu a totus, pro partetzipare est netzessàriu a s'iscrìere a sos cuntatos:  Tel: 377.3059522  o a sa email:ceasposada@gmail.com

  Dae su 20 a su 30 de cabudanni b'at a èssere sa festa in onore de Santu Migalli Arcangelu in Pasada. Sa Noena Santa at a èssere totu sas dies, dae su 20 a su 28, a sas 18. Mèrcuris 25 a sas 18 b'at a èssere sa Missa pro sos mortos de sas levas. Chenàbura 27 a sas 18 die de su patimentu, Santa Missa e untzione de sos malàidos. Sàbatu 28 b'at a èssere sa chena oferta dae su comitadu Domenica 29 a sas 11 Professone e Santa Missa presidida dae Don Antonello Tuvone e a sighire b'at a èssere su pràngiu semper ofertu dae su comitadu. Lunis 30 a sas 18 Santa Messa de ringratziamentu

  Su 30 de cabudanni torrant sos cursos de s'iscola de tennis in Torpè pro s'istajone 2024/25. Cursos dedicados siat a sos pipios dae sos 4 annos in susu chi a sos mannos. Si previdet  proas gratùitas  pro sos tesserados noos. Pro cale si siat informatzione mutire a su n. 3332777540

  Sa biblioteca comunale de Lodè est organizende unu cursu relativu a sas erbas de potecaria ;  s'ocasione pro connòschere sas genias endèmicas de su territòriu, sos printzìpios ativos derivados dae sos fundos e comente podent èssere aplicados in setores produtivos diferentes.  Sas letziones las ant a faghere subra in campu abertu; fatu fatu b’est su laboratòriu pro n’de bogare sos estratos vegetales. Pro pòdere organizare benes sas fainas, cheret chi sos interessados  si nche marchent in biblioteca intro de su 5 de santugaine.