Lodè, "A Boche tenorosa" dae su 7 a su 23

LODÈ - Oto sunt sas dies (dae su 7 a su 23 de nadale) in programma in Lodè pro sa segunda editzione de sa manifestatzione “A Boche Tenorosa” promòvida dae s’amministratzione comunale, cun su patrotzìniu regionale e sa collaboratzione de unas cantas realidades locales. 

Su comintzu chenàbura su 7 a sas 3 de merie cun s’aprontu de s’àrbore de nadale in pare cun sas de sa ludoteca comunale.

Domìniga su 10, dae sas 3 merie in pratza de Villanova, b’at a èssere su bidditzolu de “Babbo Natale” a incuru de sos assotziados de sa Pro loco.

Lunis s’11 e martis su 12, ambas duas dies dae sas 9 a mesudie, s’assòtziu Adotta un albero e su Ceas Montalbo de Lodè ant a ammaniare laboratòrios de traditzione populare in s’Iscola de s’infàntzia.

Chenàbura su 15 dae sas 9 a mesudie (cosa chi ant a repìtere martis su 19 dae sas 3 a sas 6 de merie) tocat torra a s’assòtziu Adotta un albero e a su Ceas Montalbo chi, in sa domo de tzia Rofoella, ant a presentare sos “Annali di Feste lodeine”.

Sàbadu su 16, dae sas 4 de merie in sa pratzita de sa Purissima, sos cantores de Su Riscatu organizant una rassigna de càntigu a tenore.

A concruos, sàbadu su 23, dae sas 4 de merie in pratza de Villanova, sa gara de càntigos a chiterra e sos ballos in pratza a incuru de sa Pro loco.

Post popolari in questo blog

Novas dae sa Regione: su Torpinu limba ufitziale de Sardigna!!!

Immagine
A pustis de sete annos dae s’adotzione de sa lege 22, sa Regione at comunicadu sos resurtos de sa commissione incarrigada pro definire su standard ortogràficu definitivu pro sa limba sarda. S’idea de sos cumponentes at bidu sa lughe in s’ùrtima setziada de su 29 de freàrgiu sighende sa punna de àere una limba prus mesana de sa Lsc atuale. Pro cussu est chi ant disinnadu de leare in cunsideru s’isoglossa de ‘Adu ‘e mesu, in tretos de Torpè. Seberadu duncas su torpinu comente standard iscritu. Inoghe sos documentos verbalizados.  
Sighi a lèghere

Versos in caminu

Immagine
  Su 21 de martzu est sa Die internatzionale de sa Poesia . Su grupu Pinna e Tinteri , in pare cun s’ Ufìtziu de sa limba sarda , semus organizende s'essida literària " Versos in caminu ". S'apuntamentu est pro chenàbura su 21 de martzu a borta de die in Thiniscole (luego amus a comunicare itineràriu e oràrios). Chie cheret podet dare s’ adesione sua ( intro de su 15 ) pro mèdiu de custu mòdulu inditende nùmene , sambenadu , nùmeru whatsapp , modalidade de partetzipatzione e, si benit a lèghere, tìtulu de sa poesia (si est cosa pròpia est mègius). S’ Ufìtziu de sa limba sarda abarrat a disponimentu via mail ( cultura.unionemontalbo@gmail.com ), telefonende a su 0784 878648 (internu 5) e in presèntzia (su lunis e sa chenàbura dae sas 9 a sas 13.30 in s' Unione de sos Comunes de su Monte Arvu - carrera de Frumendosa) pro cale si siat consulèntzia linguìstica e mètrica . E finas, s'in casu, pro isseberare paris sa poesia. Pro compilare su mòdulu inc...
Sighi a lèghere