Lodè A Boche Tenorosa - Rassigna de tenores

 



LODE’ -  Sighit su 16 de nadale, a sas 4 de borta de die in sa peatzedda de Sa Purissima, sa manifestatzione “A Boche Tenorosa”, organizada dae su Comunu de Lodè, cun su finantziamentu de sa Regione Autònoma de sa Sardigna, in pare a su CEAS Montalbo, sa Pro Loco e su Tenore Su Riscattu.
Protagonistas de sa die ant a èssere sos tenores chi ant a cantare in intro de su tzentu istòricu de Lodè, in unu de sos logos prus galanos de sa bidda medievale baroniesa.
Ant a leare parte a sa rassigna:
-Tenore Su Riscattu Lodè
-Tenore Monte Bardia Dorgali
-Tenore Mialinu Pira Bitti
-Tenore Santa Ruche Oniferi
-Cunsonu Santu Juanne Thiesi
Presentat: Francesco Spanu
Location: Via Cavallotti, 16, 08020 Lodè NU, Italia

Post popolari in questo blog

Glocale e digitale, una tzitadinàntzia linguìstica noa. Ses cursos gratùitos de sardu

Immagine
  Su sardu no est petzi memòria, ma un'istrumentu biu pro sos tempos presente e benidore de custu logu. Est pro custu chi s'Ufìtziu de sa limba sarda de s'Unione de sos Comunes de su Monte Arvu annùntziat s'aberta de sas iscritziones pro unu tziclu nou de cursos de formatzione, gratùitos , indiritzados a sos dipendentes de sa Pùblica amministratzione de sas 9 biddas e a totu sos tzitadinos . S'initziativa pertocat sas comunidades de Thiniscole , Bitzi , Lodè , Lùvula , Onanie , Orune , Osidde , Pasada e Torpè e est parte de su programma regionale TuLiS (Tutela de sas limbas de Sardigna) pro su triènniu 2025-2027 (lege 482 de su 1999 e leges regionales 6 de su 2012 e 22 de su 2018). Su pianu formativu “ Glocale e digitale ” movet dae sas notziones de base pro nche lòmpere a s’impreu ispetzialìsticu de sa limba: Livellu base (dae s’11 de freàrgiu): 15 letziones online, cada mèrcuris a sas 6 de merie, in contu de Fonètica e de Ortografia , cunfrontende sas variedade...
Sighi a lèghere

Boghes in sa Foghe. In Santu Giuanne de Pasada sa Die internatzionale de sa Poesia

Immagine
  Su 21 de martzu est sa  Die internatzionale de sa Poesia . Su grupu  Pinna e Tinteri , in pare cun s’ Ufìtziu de sa limba sarda de su Montearvu , est organizende una serana literària de poesias a boghe arta. Sende chi s'incras est sa  Die internatzionale de s'Abba, su tema est pròpiu s'abba .  S’abba est la linfa de sa terra. Sa poesia est su respiru de s’ànima. Ambas current sena làcanas, ambas faeddant totu sas limbas, ambas apartenent a cada pòpulu.  S'apuntamentu est pro sàbadu su 21 de martzu a sas 17 in Santu Giuanne de Pasada (in su Ceas afaca a sa foghe). Chie cheret podet dare s’ adesione  sua ( intro e non prus a tardu de su 15 ) pro mèdiu de custu mòdulu inditende  nùmene ,  sambenadu ,  nùmeru   whatsapp ,  modalidade  de  partetzipatzione  e, si benit a lèghere,  tìtulu de sa poesia  (sua o de àtere).  S'eventu est abertu a totu sas persones de  cada natzionalidade . E...
Sighi a lèghere