Thiniscole, cuntzertu de Marco Carta su 3 in sa crèsia de su Càrmene

THINISCOLE - Est in programma pro domìniga su 3 de nadale, a sas 8.30 de sero, in sa crèsia de su Càrmene, su cuntzertu de su chitarrista Marco Carta chi at a sonare mùsicas de Anthony Holborne, Francis Cutting, Luys de Narvaez, Alonso Mudarra, John Dowland, François Couperin, Leo Brouwer, Federico Moreno-Torroba e Roberto Piana. S’initziativa est sa prima de sa sèrie cuntzertìstica de s’Iscola tzìvica MeA. Carta, diplomadu su 2014, at frecuentadu cursos e master cun duos annos in sa Segovia Guitar Academy binchende bursas de istùdiu ambas duas bortas comente “mègius istudiante de s’annu”. In prus, at frecuentadu masterclass cun Carlo Marchione, Marcin Dylla, Goran Krivokapic, Carles Trepat, Arturo Tallini, Walter Zanetti, Lorenzo Micheli, Oscar Ghiglia e Pavel Steidl. At sonadu fintzas in Praga, in s’Istitutu italianu de Cultura. Su 2014 at registradu unu recital pro Radio Vaticana cun mùsicas de J. S. Bach, M. Giuliani, A. Uhl e J. Manén.