“Visioni made in Sardegna" dae su 7 a su 23 in Bitzi, Lodè, Lùvula, Onanie, Orune, Osidde, Pasada, Thiniscole e Torpè

TOTU SOS COMUNES - Comintzat su 7 (finas a su 23 de custu mese) s’editzione 2023 de sa rassigna “Visioni made in Sardegna - Il cinema incontra le piccole comunità” organizada dae Malik Ets in pare cun sas amministratziones de s’Unione de sos Comunes de su Monte Arvu (Bitzi, Lodè, Lùvula, Onanie, Orune, Osidde, Pasada, Thiniscole e Torpè). Sas òperas chi ant a projetare tenent sa firma de autores registas sardos o contant istòrias de s’ìsula: in programma “La terra delle donne” de Marisa  Vallone, “Nel nostro cielo un rombo di tuono” de Riccardo Milani, “Batiledhu” de Laura delle Piane e Nicol Vizioli, “Erèntzia” de Giulia Camba, “Il muto di Gallura” de Matteo Fresi.

Custu su calendàriu:

• su 7 de nadale “La terra delle donne” a sas 8,15 de sero in Bitzi 

• s’8 de nadale “Nel nostro cielo un rombo di tuono” a sas 5 de merie in Onanie

• su 9 de nadale “La terra delle donne” a sas 6 de merie in Orune

• su 10 de nadale “Nel nostro cielo un rombo di tuono” a sas 8 de sero in Torpè

• su 15 de nadale “Batiledhu” e “Erèntzia” dae sas 6 de merie in Lùvula

• su 16 de nadale “Nel nostro cielo un rombo di tuono” a sas 6 de merie in Thiniscole

• su 17 de nadale “La terra delle donne” a sas 6 de merie in Lodè

• su 22 de nadale “Il muto di Gallura” a sas 6 de merie in Osidde

• su 23 de nadale “Nel nostro cielo un rombo di tuono” a sas 6 de merie in Pasada

De prus, dae su 5 a su 23, collaborende cun sos Ceas de su logu, b’at a èssere fintzas una setzione dedicata a sos minores cun sa projetzione de una seletzione de òperas de su progetu “Heroes – Eroi della sostenibilità” cun laboratòrios “green” in ue, cunforma a sos printzìpios de s’economia tzirculare, s’ant fraigare trastes de impreu fitianu pro mèdiu de tècnicas de re-tziclu de sos resùgios. 

Sa fundatzione Sardegna film commission e s’Isre sunt sos àteros partner progetuales. Su progetu est finantziadu dae sa Regione movende dae sa lege 15 de su 2006 “Normas pro s’isvilupu de su Tzìnema in Sardigna” (annualidade 2023)