Thiniscole - TOCTOCSARDINIA

 

Sa de bator rassignas de “Ajò a Thiniscole” cun tema :archeologia mitos e legendas rapresentat un'eventu culturale de rilevàntzia meda pro sa comunidade locale e pro totu sos apassionados de s'istòria e de sas traditziones sardas.

Cust’ annu Ajò a Thiniscole, est dedicada a sa valorizatzione de su patrimòniu istòricu e archeològicu de sa Sardigna e de su territòriu thiniscolesu

Su tema nuràgicu est in su tzentru de custa editzione, cun s'obietivu de fàghere connòschere e apretziare s'antiga tziviltade chi at lassadu unu sinnale indelèbile in su paisàgiu e in sa cultura sarda.

Cunferèntzias, bìsitas ghiadas e espositziones bos ant a accumpangiare in custas duas dies de cultura in Sardigna.

Santa Luchia at a acasagiare Alberto Pala, Luca Derosa e Andrea Loddo, chi in pare bos ant a giùghere a connòschere su mundu de sos nuràgicos e de s'escursionismu in Sardigna. 

In prus s'archeo  isperimentadore Andrea Loddo pro more de sa mustra sua archeo isperimentale bos at a torrare a fàghere bìvere sas raighinas nostras, cun una projetzione de su film documentàriu: Raighinas de Brunzu.

Sa manifestatzione est partzida in duas seradas, su 6 e su 7 de Trìulas in Santa Luchia in sa pratza de sa crèsia.

Su 6 de Trìulas a sas 18:30 b'at a èssere sa presentada e s'abertura de su cunvegnu a incuru de Toctoc Sardinia. 

Andrea Loddo at a faeddare de s'importu de s'archeologia pro torrare a iscobèrrere sas raighinas nostras.

Luca Derosas at a afrontare s'argumentu de sos itinerarios archeològicos chi creant economia turìstica, a sighire sa presentada de: "Sui sentieri de s'orcu". 

Alberto Pala at a afrontare s'importu de sa valorizatzione de unu situ archeològicu in unu territòriu a vocatzione turìstica.

Su 7 de trìulas b'ant a èssere duas escursiones; una su mangianu e una a merie: SUI SENTIERI DE S'ORCU a cura de Montiarvu Andejos; sa prima at a èssere cun partèntzia a sas 9:00 e sa segunda cun partèntzia a sas 17:00. A sas 18:00 b'at a èssere s'allestimentu a s'abertu de sa mustra Archeo-isperimentale a cura de Andrea Loddo in sa pratza de sa crèsia. 

Durante sas duas seradas in sa pratza de sa crèsia imprendidores locales ant a dare vida a su “street food” nuràgicu.