Torpè - Intre ... montes in su Parcu Tepilora


 Su coro Stellaria de Santu Nigola de Brunella cun piaghere mannu bos invita a sa die "Intre...montes in su parcu de Tepilora“, su primu eventu issoro nàschidu gràtzias a su contributu de su Tepilora - Parcu Naturale Regionale, creadu etotu cun sa punna de promòvere ambos.

S'eventu at a èssere fatu in sas carreras de su tzentru istòricu de Brunella.

In su percursu ais a pòdere ammirare sas fotos de sos paisàgios de su parcu, espostas in sas carreras e cuntzedidas a manera garbosa dae Mario Cadinu, e tastare sos produtos locales in sas numerosas postaziones enogastronómicas.  Paritzas sas initziativas presentes in su programa e intre custos su documentàriu fotogràficu e a incuru de Domenico Ruiu, espertu fotògrafu naturalista. Sa serada at a èssere allietada dae sos càntigos e dae sos ballos traditzionales in caminu.



PROGRAMA


ORAS 10:00  Comintzu cuncursu de pitura estemporànea in sas carreras de sa bidda 


ORAS 17:30 Inaguratzione de s'eventu acanta a su Salone de sa Domo Parrochiale 


ORAS  18:00 Projetzione de fotografias de su  Parcu Naturale de Tepilora e diàlogu cun 

                      s'autore Domenico Ruiu acanta a su Salone Parrochiale 


ORAS 19:00 Cantos de carreras: ballos e càntigos in caminu, ant a sonare e a ballare : Coro  

                     Stellaria de Brunella ghiadu dae su mastru Luigino Cossu, Coru Donu Reale 

                     de Buddusò ghiadu dae su mastru Mauro Lisei; Coro Montarvu Thiniscole; 

                     ghiadu dae sa mastra Mina Nanni, Grupu Folk Beata Vèrgine de su 

                     Remèdiu de Otieri, Mini grupu Folk de Santu Larentu . 

      


ORAS 22:30 Premiatzione de su cuncursu de pitura in pratza. 


ORAS 23:00 Ballos in pratza cun sa partetzipatzione de Davide Caddeo de Dualchi


 NON MANCADAS !!

Post popolari in questo blog

Novas dae sa Regione: su Torpinu limba ufitziale de Sardigna!!!

Immagine
A pustis de sete annos dae s’adotzione de sa lege 22, sa Regione at comunicadu sos resurtos de sa commissione incarrigada pro definire su standard ortogràficu definitivu pro sa limba sarda. S’idea de sos cumponentes at bidu sa lughe in s’ùrtima setziada de su 29 de freàrgiu sighende sa punna de àere una limba prus mesana de sa Lsc atuale. Pro cussu est chi ant disinnadu de leare in cunsideru s’isoglossa de ‘Adu ‘e mesu, in tretos de Torpè. Seberadu duncas su torpinu comente standard iscritu. Inoghe sos documentos verbalizados.  
Sighi a lèghere

Versos in caminu

Immagine
  Su 21 de martzu est sa Die internatzionale de sa Poesia . Su grupu Pinna e Tinteri , in pare cun s’ Ufìtziu de sa limba sarda , semus organizende s'essida literària " Versos in caminu ". S'apuntamentu est pro chenàbura su 21 de martzu a borta de die in Thiniscole (luego amus a comunicare itineràriu e oràrios). Chie cheret podet dare s’ adesione sua ( intro de su 15 ) pro mèdiu de custu mòdulu inditende nùmene , sambenadu , nùmeru whatsapp , modalidade de partetzipatzione e, si benit a lèghere, tìtulu de sa poesia (si est cosa pròpia est mègius). S’ Ufìtziu de sa limba sarda abarrat a disponimentu via mail ( cultura.unionemontalbo@gmail.com ), telefonende a su 0784 878648 (internu 5) e in presèntzia (su lunis e sa chenàbura dae sas 9 a sas 13.30 in s' Unione de sos Comunes de su Monte Arvu - carrera de Frumendosa) pro cale si siat consulèntzia linguìstica e mètrica . E finas, s'in casu, pro isseberare paris sa poesia. Pro compilare su mòdulu inc...
Sighi a lèghere