Novas, contos e cuentos

  Costùmenes in Caminu - Viazu in sa traditzione: est su tìtulu de sa serana de cultura ordimingiada dae su Cumunu de Pasada, sa Pro Loco de Pasada e dae s'Ufìtziu de sa Limba Sarda de s'Unione de sos Comunes de su Montiarvu su 30 de austu in su Portu de Santu Juanne - Sa Calita. Un'isfilada de costùmenes at a abbèrrere sa manifestatzione; a sighire sa presentada de su libru Costùmenes cun Angelo Canu e Stefania Bomboi cun intramesos corèuticos e musicales de sos grupos "Minifolk de Pasada" e "Casteddu de sa fae". A tancare: Novos Sonos

 Presentada de "Costùmenes" in intro de A-Mare Festival In Santa Luchia de Thiniscole, cara a sa turre, a sas 19.30. Màuru Piredda nde arresonat cun Angelo Canu e Perfilia Goddi. Pro nd'ischire de prus incarca inoghe

 Contos de tzilleri torrat a Santa Luchia pro ascurtare totu sos chi cherent contare meledos, contos e poesias. Ordimingiadu dae su sòtziu "Dialoghi con l'autore", in collaboratzione cun su CEAS Santa Luchia de Thiniscole e de s'Ufìtziu de sa Limba Sarda de s'Unione de sos Comunes de su Montiarvu

Foto Yan Krukau - pexels.com S’istiu est a sos ùrtimos giros suos. Sas iscolas luego sunt torra abertas. E duncas tocat de pensare finas a su servìtziu “mensa”, a su refetòriu. Dae su 13 de austu a su 14 de cabudanni est ativu su mòdulu de iscritzione online. «S’iscritzione - b’at iscritu - est obligatòria pro totu cantos. Sos chi non resurtant iscritos non podent atzèdere a su servìtziu» . Àteru recuisitu essentziale est su de èssere in règula cun sos pagamentos de sos annos in antis. Su restu de sas informatziones e sa setzione cun sa modulìtica nche sunt in sa pàgina https://www.comune.siniscola.nu.it/it/novita/page/servizio-iscrizione-online-mensa-scolastica-e-trasporto-a-s-2025-2026

Foto Pexels, Picography Sa punna est sa de cuntrastare su consumu de terrinu. E duncas, movende dae custa, s’assessoradu de sa Defensa de s’Ambiente at aprontadu unos cantos interventos de re-naturalizatzione de sos chi sunt degradados o in perìgulu de lu èssere, in tretos urbanos e periurbanos. In custos terrinos non bi devent àere vìnculos urbanìsticos chi nd’impedant s’interventu. Pro mèdiu de custos interventos sa Regione los cheret destinare a àreas birdes cun impreu pùblicu e inedificàbile. S’avisu est pro totu sos Comunes sardos. Sa nova pro intreu est inoghe .

foto pexels.com  Josh Sorenson B’at tempus finas a lunis su 18 de austu pro si nche marcare o pro rennoare s’iscritzione a s’albu comunale de sos assòtzios isportivos istituidu su 2011. S’avisu publicu est indiritzadu a sas entidades assotziadas chi sunt presentes (cun sede issoro) e chi òperant in su territòriu comunale. Custos sos àteros duos recuisitos: iscritzione a sa federatzione isportiva o a s’ente de promotzione isportiva pro s’annu 2025; iscritzione a su registru natzionale de  sas atividades isportivas diletantìsticas pro s’annu 2025. Sa dimanda cheret presentada in su protocollu o imbiada via pec a s’indiritzu protocollo@pec.comune.siniscola.nu.it . Avisu e modulìstica sunt presentes in su situ web istitutzionale de su Comune de Thiniscole . 

  S'ufìtziu del sa limba sarda de s'Unione de sos Comunes de su Monte Arvu l'aberimus  lunis 11 lunis 18 chenàbura 22 lunis 25 martis 26 gioja 28 chenàbura 29 dae sas 9 a sas 13.30

  Cun s’annualidade noa de s’ Ufìtziu de sa limba sarda  de s’ Unione de sos Comunes de su Monte Arvu  sunt torrados in Thiniscole sos  cursos pro amparare su faeddu nostru e s'iscritura .  A pustis de su primu, sessadu su beranu coladu, s'annualidade currente nde previdet  un'àteru, pro chie si siat (est a nàrrere pro chie at fatu su primu, ma fintzas pro dischentes noos) . Sos argumentos de custu  segundu cursu , a pustis de unu resumu de sas règulas ortogràficas istudiadas in antis, pertocant sos  istiles de iscritura in sos cuntestos diferentes de sa comunicatzione  (narratzione giornalìstica, aziendale, culturale, festiva, comunitària, poètica etc.). Su dotzente est  Mauro Piredda , giornalista, tradutore e operadore de isportellu cun tzertificatzione C1 in intro de su cuadru comune europeu de riferimentu in contu de connoschèntzias linguìsticas. Custu segundu cursu (cun deghe addòbios, cada lunis a borta de die) comintzat su 2...