In Lodè su digitale est fàtzile: assistèntzia e formatzione gratùita pro totu sos tzitadinos

 


Sunt semper de prus sos servìtzios de sa Pùblica amministratzione chi los agatamus in lìnia, ma non sunt totu sos chi resèssint a impreare bene sas tecnologias noas. Pro custu, in sa “documonale” de Lodè ant ativadu su puntu “Digitale facile”, unu presìdiu nàschidu pro ofèrrere agiudu cuncretu e gratùitu a chie si siat chèrgiat imparare a impreare sos istrumentos digitales. Inoghe onni tzitadinu podet retzire assistèntzia e formatzione personalizada pro pòdere impreare sas tecnologias digitales in manera segura e fàtzile. Custos sos servìtzios printzipales ofertos a s’indonu: suportu a sos servìtzios de sa Pùblica amministratzione (assistèntzia pro sa creatzione e s’impreu de Spid e Cie, atzessu a su Fascìculu sanitàriu eletrònicu, gestione de servìtzios iscolàsticos e pagamentu de tributos, contraventziones o bullu àuto); impreu de sas app (imparare a impreare aplicatziones fundamentales comente App IO, pagoPA o s'App Inps); educatzione a sa seguresa (cussìgios pro reconnòschere trampas in lìnia e phishing e pro amparare datos personales e craes); alfabetizatzione digitale de base (cursos minores pro imparare a impreare su pc, su telefoneddu e sos tablet, pro navigare in internet, pro aprontare una casella e-mail o pro manigiare WhatsApp e sas retes sotziales); assistèntzia pro su traballu (agiudu pro istèrrere su curriculum vitae e registratzione in sos portales de dimanda-oferta). Totu custu dae su lunis a sa chenàbura dae sas 10 a sas 13 cun aberta meridiana su martis e sa gioja dae sas 4 a sas 6. Pro informatziones o pro prenotare un’apuntamentu est possìbile a cuntatare s'ufìtziu telefonende a su 0784/898018 o iscriende una mail a s’indiritzu facilitazionedigitale@comune.lode.nu.it.

mp

Post popolari in questo blog

Novas dae sa Regione: su Torpinu limba ufitziale de Sardigna!!!

Immagine
A pustis de sete annos dae s’adotzione de sa lege 22, sa Regione at comunicadu sos resurtos de sa commissione incarrigada pro definire su standard ortogràficu definitivu pro sa limba sarda. S’idea de sos cumponentes at bidu sa lughe in s’ùrtima setziada de su 29 de freàrgiu sighende sa punna de àere una limba prus mesana de sa Lsc atuale. Pro cussu est chi ant disinnadu de leare in cunsideru s’isoglossa de ‘Adu ‘e mesu, in tretos de Torpè. Seberadu duncas su torpinu comente standard iscritu. Inoghe sos documentos verbalizados.  
Sighi a lèghere

Glocale e digitale, una tzitadinàntzia linguìstica noa. Ses cursos gratùitos de sardu

Immagine
  Su sardu no est petzi memòria, ma un'istrumentu biu pro sos tempos presente e benidore de custu logu. Est pro custu chi s'Ufìtziu de sa limba sarda de s'Unione de sos Comunes de su Monte Arvu annùntziat s'aberta de sas iscritziones pro unu tziclu nou de cursos de formatzione, gratùitos , indiritzados a sos dipendentes de sa Pùblica amministratzione de sas 9 biddas e a totu sos tzitadinos . S'initziativa pertocat sas comunidades de Thiniscole , Bitzi , Lodè , Lùvula , Onanie , Orune , Osidde , Pasada e Torpè e est parte de su programma regionale TuLiS (Tutela de sas limbas de Sardigna) pro su triènniu 2025-2027 (lege 482 de su 1999 e leges regionales 6 de su 2012 e 22 de su 2018). Su pianu formativu “ Glocale e digitale ” movet dae sas notziones de base pro nche lòmpere a s’impreu ispetzialìsticu de sa limba: Livellu base (dae s’11 de freàrgiu): 15 letziones online, cada mèrcuris a sas 6 de merie, in contu de Fonètica e de Ortografia , cunfrontende sas variedade...
Sighi a lèghere