Ufìtziu limba sarda: annu nou, atividades noas

Est ufitziale. Sunt comintzadas a nou sas atividades de s’Ufìtziu de sa limba sarda de s’Unione de sos Comunes de su Monte Arvu. Finas a su 30 de santugaine de su 2027 sos operadores de isportellu abarrant a disponimentu de sos tzitadinos, sìngulos e assotziados, de sas famìlias e de sas iscolas de sas biddas de Thiniscole, Pasada, Torpè, Lodè, Bitzi, Lùvula, Onanie, Orune e Osidde. Chie si siat podet pedire un’agiudu, una consulèntzia, una tradutzione, una collaboratzione a s’istrutura iscriende una mail a cultura.unionemontalbo@gmail.com, telefonende a su 0784878648 (internu 5) o benende a ufìtziu sighende sos oràrios de aberta.

Lunis dae sas 08:00 a sas 14:30

Martis dae sas 08:00 a sas 14:00

Mèrcuris dae sas 08:00 a sas 14:30

Gioja dae sas 08:00 a sas 11.00

Chenàbura dae sas 08:00  a sas 12:00

Luego ant a comintzare fintzas sas atividades culturales (sighit su progetu in Locos de Cultura) e sos cursos de limba sarda. Duos los faghimus online in riferimentu a sa gràmmatica (unu bàsicu e unu intermèdiu); bator sunt avantzados e in presèntzia: limba e geoistòria; limba e diritos; limba e informàtica; limba e economia locale.

Abarramus a disponimentu

Abarremus in cuntatu