Novas, contos e cuentos

  Su Dipartimentu pro sas Polìticas de sos Giòvanos e su Servìtziu Tzivile Universale at publicadu su Bandu pro sa seletzione de 65.964 operadores voluntàrios de impreare in progetos chi pertocant progetos de Servìtziu Tzivile Universale (SCU), de si fagherent in Itàlia e in s'èsteru in su biènniu 2026–2027 . Sas domandas de partetzipatzione devent èssere presentadas intro de sas 14.00 de su 8 de abrile de su 2026 . Sos aspirantes operadores voluntàrios devent presentare domanda   petzi in modalidade online , in sa prataforma DOL (Domanda   On Line), chi si podet agatare in s'indiritzu: https://domandaonline.serviziocivile.it S'elencu cumpletu de sos progetos disponìbiles in Itàlia e in s'èsteru si podet bìdere in sas pàginas “Sèbera su progetu tuo in Itàlia” e “Sèbera su progetu tuo in s'èsteru”, disponìbiles in sa pàgina dedicada a su Bandu in su situ https://scelgoilserviziocivile.gov.it

    Sàpadu su 21 de freàrgiu s'Universidade de sa Tertza Edade de Thiniscole at dedicadu una die intrea a Lodè e a sos iscusòrgios culturales suos, acumpangiada dae s'Ufìtziu Limba Sarda de s'Unione de sos Comunes de su Monte Arvu. Una bìsita rica e partetzipada, ghiada in sardu e in italianu, chi at permìtidu a sos visitadores de aprofundire temas ligados a su muralismu, a s'istòria de sa bidda, a sas genias architetònicas traditzionales e a su patrimòniu religiosu de custa comunidade. A pustis de una passigiada in sas carreras de sa bidda medievale, tra contos de istòria locale e memòrias populares, su grupu at mandigadu in pare, cumpartzinde màndigos isulanos che panadas oschireras e uruglietas lodinas in pare a binos sardos, in antis de sighire cara a unu de sos logos prus ammajadores de su territòriu: sas Domus de Janas de Janna Oriavula. Inoghe sos partetzipantes ant pòdidu iscobèrrere s'orìgine de su su nùmene locale, sa cala de sos naneddos, chi dae an...

  In ocasione de sa Die internatzionale de sa limba materna (21 de freàrgiu), s'Ufitziu de sa limba sarda de s'Unione de sos Comunes de su Monte Arvu cheret contribuire a unu resurtadu chi totu cantos cherimus: su de nche torrare su sardu a sas domos. Sos operadores de s’isportellu ant istèrridu unu "manualeddu" pro ghiare babbos, mamas e mannos in sa crèschida linguìstica de criaduras e minores.  Tres sunt sas metodologias inditadas in su manualeddu: 🏠 Minority Language at Home (MLAH): su sardu comente limba printzipale de sa famìlia. 👤 One Person, One Language (OPOL): unu genitore faeddat in sardu, s’àteru in italianu. ⏰ Time and Place: momentos de sa die e logos de sa domo in ue si impreat su sardu Agiudu serbit? S’Ufìtziu est a disponimentu pro consulèntzias personalizadas, cursos e attividades.  Cando: Dae su lunis a sa chenàbura a banda de mangianu, cun apuntamentu pigadu in antis. 📞 Cuntatos: 0784 878648 (int. 5) | cultura.unionemontalbo@gmail.com   ...

Iscàrriga su manuale inoghe in versione pdf

  Salude! Compila custu cuestionàriu , aprontadu dae s'Ufìtziu de sa limba sarda de s'Unione de sos Comunes de su Monte Arvu, dende·bi atentzione manna. Deves seberare una risposta pro cada dimanda. Tzertu, est possìbile chi nde chèrgias dare prus de una, ma non podes. Duncas sèbera sa chi si nch'acùrtziat de prus a sa visione tua. E non timas chi ti essat unu modellu chi non pensaias :) https://forms.gle/A8taD92PGTDgQwt18 

  VÌSITA GHIADA A LODÈ   Su 21 de freàrgiu de su 2026  S’Universidade de sa Tertza Edade de Thiniscole, in collaboratzione cun s’Ufìtziu Cultura e Limba Sarda de s’Unione de sos Comunes de su Montearvu, organitzat una vìsita ghiada a Lodè, pro connòschere logos noos de sa Reserva de sa Bioisfera MaB UNESCO ‘Tepilora, Rio Posada e Montalbo’.     Su programma ü   09:00 Addòbiu in Thiniscole, acanta a su campusantu ü    09.30 Arrivu a Lodè:   §   Muralismu in Lodè §   Crèsias de Lodè: istòria, architetura e arredos sacros §   Tzentru Istòricu: genias abitativas e mitos de fundatzione ü   12.30 Pràngiu in sos locales de su Purgatòriu ü   14.00 Partèntzia pro “Sas Calas de sos naneddos” ü   15:00 Vìsita a su Santuàriu de S'Annossata (Bitzi) ü   16.30 Torrada

  'In ue s'abba contat sa vida - un'istùdiu biològicu de s'acuìferu de su Montalbo' realizadu dae sa Lìbera Universidade de Bruxelles   pro sa Reserva de sa Bioisfera MAB UNESCO Tepilora Riu Pasada e Montearvu. Presentada de sos resurtados de s'istùdiu biològicu in contu de s'acuìferu de su Montalbo pro sa Reserva de sa Bioisfera “Tepilora Rio Posada e Montalbo”, Nùgoro, in sa Sala consiliare de su Comunu de Nùgoro in Carrera de Dante 44, chenàbura   mangianu, su 13 de freàrgiu de su 2026 a sas 10

  S'Assòtziu Pro Loco Posada APS, cun sa collaboratzione e su patrotzìniu de s'Amministratzione Cumonale, organizat s'isfilada de sos carros, grupos e caratzas allegòricas pro su Carrasegare Pasadinu de su 17 de freàrgiu de su 2026. Sa partetzipatzione a s'isfilada est aberta a totu sos grupos caratzados e a sos carros allegòricos siat de Pasada siat de sas biddas a curtzu. Su tema de sa manifestatzione est lìberu, ma ant a èssere esclùdidos sos chi ant a espònnere temas de ischera ratzista e de òdiu polìticu. Sa partèntzia de sos Carros allegòricos at a èssere dae Pratza Cocco (Coghe Fae) e s'at a concruire in Pratza Rockefeller, colende in Carrera de Mario Melis, Carrera de G. Garibaldi, Carrera de G. Mameli, Carrera de A. Gramsci, Carrera de Vittorio Veneto e Carrera   Natzionale. Pro motivos de seguresa e de manovra, sos carros ant a dèvere respetare custas mesuras: Largària non prus de 275 CM Artària non prus de 450 CM S'òrdine de isfilada at a ...

B’at unu momentu, mescamente cando colamus dae un’istajone a s’àtera, chi tocat a cambiare sos armàdios. O puru cando, ponende òrdine in chentina o in su sostre, nos abbigiamus de ogetos “mudos” populende sas domos nostras. Un’eletrodomèsticu, unu libru mai abertu, unu bentone chi non nos intrat prus. Totu cosas chi non nche las devimus imbolare a mala gana.  Bene, gràtzias a su Ceas de Santa Luchia diamus pòdere dare una segunda vida a custas cosas. S’apuntamentu de chenàbura su 6 (dae sas 4 de merie in s’istrutura de carrera de Giovanni da Verrazzano, serente a sa pineta) no est petzi unu mercatinu, ma un’invitu pro chi torremus a pensare su raportu nostru cun su chi possedimus. S’eventu nch’est in intro de unu progetu de educatzione ambientale in contu de cuntrastu a sa chi li narant Fast fashion, unu modellu de business chi movet dae sa produtzione frenètica de bestires cun calidade bassa, ispirados a sas ùrtimas tendèntzias e bèndidos a s’istracu baratu. Bestires chi in giru d...

Su diritu a sa mobilidade e a s’indipendèntzia intre sos muros de domo rapresentat unu printzìpiu fundamentale pro sa dignidade e sa calidade de sa vida de cada tzitadinu. Pro chi custu printzìpiu siat una realidade sa Regione tenet unu bandu permanente dedicadu a s’abbatimentu de sas barreras architetònicas de sos edifìtzios privados. Totu custu dende atuatzione a sa lege 13/1989 e a sa lege regionale 32/1991. Est un’istrumentu de grandu importu pro dare agiudu cuncretu a famìlias e tzitadinos chi cunvivent die cun die cun limitatziones funtzionales. Su contributu est pro sos chi tenent menomatziones o limitatziones permanentes (fintzas visivas) e chi ant sa residèntzia anagràfica e sa dimora abituale issoro in s’immòbile ogetu de s’interventu. Sa rechesta podet èssere presentada dae su tzitadinu interessadu o dae chie nd’esèrtzitat sa tutela legale o su contivìgiu. Sos interventos chi si podent finantziare pertocant s’installatzione de ascensores e monta-iscalas, de rampas de atzessu...

B’at tempus finas a su primu de làmpadas pro pòdere benefitziare de su Bonus ìdricu integrativu. S’initziativa, promòvida dae s’EGAS (s'Ente de guvernu de s'àmbitu de sa Sardigna), naschet cun sa punna de dare agiudu a sas famìlias cun fragilidade econòmica, pro chi potzant pagare cun prus pagos oriolos sas bulletas de s’abba. Chie lu podet pedire? Su sustegnu est dedicadu a chie vivet in comunes serbidos dae su gestore Abbanoa SpA e possedet un’indicadore ISEE intro de sos 20mìgia èuros . Su contributu est carculadu cunforma a sa cumpositzione de su nùcleu familiare e a sa fàscia de rèdditu: Pro sos chi ant un’ISEE prus bassu de 9mìgia èuros su bonus est de 25 èuros pro cada cumponente de sa famìlia. Per sos chi s’ISEE bi l’ant intre sos 9 e sos 20mìgia èuros su contributu est de 20 èuros a persone. Comente presentare sa dimanda Est bastante a si collegare a su portale www.bonusacqua.it sighende sa protzedura ghiada in sa piataforma EGAS. Una bia imbiada, sa pràtica at a...

  Su 4 de freàrgiu est   sa Die Mundiale contra a su cancru, istituida dae s'Organizatzione Mundiale de sa Sanidade, cun su patrotzìniu in Itàlia de sa FAVO e de s'AIOM. Est una data chi servit a atentzionare sa gente in contu de unu tema dìligu: sa netzessidade de investire in preventzione, in diàgnosis primidias e in istiles de vida sanos, ma fintzas in su valore de sa chirca iscientìfica, de s'innovatzione terapèutica e de sa calidade de sos percursos de cura. Una die chi nos invitat a nos arrèschere, a meledare   e a torrare a annoare s'aficu cara a unu problema   chi pertocat totu cant@s. “Pro totu s@s chi non bi l’ant fata, pro totu s@s chi sunt galu in gherra e pro totu s@s chi ant bìnchidu”

  Su Cumunu de Lùvula, in pare a sa Cooperativa Sotziale Duos Coros e sa Regione Autònoma de sa Sardigna presentant ‘Contigheddos pro Argo”. S’Assessore Pietro Pittalis allegat cun s’autore Antonangelo Liori e s’illustradore de su libru Lorenzo Vacca. Leghet Antonio Marras. Sa presentada at a èssere in Lùvula su 6 de Freàrgiu de su 2026 a sas ses de sero in sa Biblioteca Cumonale.

  Dirigentes e Dotzentes istimados, s'Ufìtziu de sa Limba Sarda de s'Unione de sos Comunos de su Montearvu s’incumandat a bois in ocasione de sa Die Internatzionale de sa Limba Materna, tzelebrada cada annu su 21 freàrgiu pro more de s'UNESCO pro promòvere sa limba nadia, sa diversidade linguìstica e culturale e su valore de su multilinguismu. Custa festa, istituida su 1999 e reconnota dae s'Assemblea Generale de sas Natziones Unidas su 2007, naschet pro ammentare un'acadessimentu tristu, ma fundamentale, pro s'istòria de sos deretos linguìsticos: su 21 de freàrgiu de su 1952 sa politzia pakistana ochit unos cantos istudiantes bengalesos de s'Universidade de Dacca, pitzinnos giòvanos chi fiant manifestende   pro su reconnoschimentu de su bengalesu che a limba ufitziale. Dae tando, custa data est sìmbulu universale de sa defensa de sas limbas e de sas identidades culturales. Pro su territòriu nostru, ricu de istòria, traditziones e mescamente de una lim...