Naschent sos grupos de iscurtu pro sos pitzocos de su Plus de Thiniscole

Unu logu amparadu ue est possìbile a abèrrere su libru de sas dudas e de sas timòrias (cumpartzende·las cun àtere in pare cun sas passiones) sena timire giudìtziu angenu perunu. Est cun custu ispìritu chi su Tzentru pro sa famìlia, in intro de su Plus de Thiniscole, est presentende su progetu “Non siamo soli”, unu tziclu de grupos de iscurtu e de cumpartzimenta pensadu pro sos pitzocos dae sos 14 a sos 17 annos e chi comintzat a metade de mese. S’idea naschet cun sa punna de dare sas mègius rispostas a sos bisòngios registrados in su territòriu, intertzetende sa sensatzione de isulamentu, sas timidesas o sas malecumpresas familiares chi sos giòvanos, a bortas, connoschent in sa fase de sa crèschida issoro. S'isportellu oferit un'ispàtziu seguru e istruturadu pro istimulare unu mègius connoschimentu de cada unu, pro imparare a gestire sos sentidos e pro chi cada partetzipante si sentat acòllidu e cumpresu. Bases de cada addòbiu ant a èssere su rispetu retzìprocu, s'iscurtu empàticu, sa segretesa màssima de sas comunicatziones. Su servìtziu est a s’indonu e est abertu a sos pitzocos residentes in Thiniscole, Lodè, Torpè, Pasada, Orosei, Lòcula, Oniai, Garteddi e Irgoli. Sas atividades sunt partzidas in duos tzentros de riferimentu. In Thiniscole, in carrera de Conteddu 66, sos addòbios sunt su 17 de làmpadas e su 1, su 15 e su 29 de trìulas. In Orosei, in carrera Natzionale 54, sas datas sunt custas: su 18 de làmpadas e su 2, 16 e 30 de trìulas. Prevìdida fintzas sa possibilidade de nche giùghere sos laboratòrios a àteros comunes de sa rete territoriale cunforma a sas rechestas. Sos oràrios de sos addòbios los ant a definire a pustis cunforma a sos bisòngios de sos partetzipantes. Pro atzèdere a su servìtziu tocat a si registrare. Pro àteras info est possìbile a iscrìere a cpfsiniscolaplus@gmail.com o a cuntatare sos 3791132714 e 3792033686.

Post popolari in questo blog

Glocale e digitale, una tzitadinàntzia linguìstica noa. Ses cursos gratùitos de sardu

Immagine
  Su sardu no est petzi memòria, ma un'istrumentu biu pro sos tempos presente e benidore de custu logu. Est pro custu chi s'Ufìtziu de sa limba sarda de s'Unione de sos Comunes de su Monte Arvu annùntziat s'aberta de sas iscritziones pro unu tziclu nou de cursos de formatzione, gratùitos , indiritzados a sos dipendentes de sa Pùblica amministratzione de sas 9 biddas e a totu sos tzitadinos . S'initziativa pertocat sas comunidades de Thiniscole , Bitzi , Lodè , Lùvula , Onanie , Orune , Osidde , Pasada e Torpè e est parte de su programma regionale TuLiS (Tutela de sas limbas de Sardigna) pro su triènniu 2025-2027 (lege 482 de su 1999 e leges regionales 6 de su 2012 e 22 de su 2018). Su pianu formativu “ Glocale e digitale ” movet dae sas notziones de base pro nche lòmpere a s’impreu ispetzialìsticu de sa limba: Livellu base (dae s’11 de freàrgiu): 15 letziones online, cada mèrcuris a sas 6 de merie, in contu de Fonètica e de Ortografia , cunfrontende sas variedade...
Sighi a lèghere

Boghes in sa Foghe. In Santu Giuanne de Pasada sa Die internatzionale de sa Poesia

Immagine
  Su 21 de martzu est sa  Die internatzionale de sa Poesia . Su grupu  Pinna e Tinteri , in pare cun s’ Ufìtziu de sa limba sarda de su Montearvu , est organizende una serana literària de poesias a boghe arta. Sende chi s'incras est sa  Die internatzionale de s'Abba, su tema est pròpiu s'abba .  S’abba est la linfa de sa terra. Sa poesia est su respiru de s’ànima. Ambas current sena làcanas, ambas faeddant totu sas limbas, ambas apartenent a cada pòpulu.  S'apuntamentu est pro sàbadu su 21 de martzu a sas 17 in Santu Giuanne de Pasada (in su Ceas afaca a sa foghe). Chie cheret podet dare s’ adesione  sua ( intro e non prus a tardu de su 15 ) pro mèdiu de custu mòdulu inditende  nùmene ,  sambenadu ,  nùmeru   whatsapp ,  modalidade  de  partetzipatzione  e, si benit a lèghere,  tìtulu de sa poesia  (sua o de àtere).  S'eventu est abertu a totu sas persones de  cada natzionalidade . E...
Sighi a lèghere