Servìtziu tzivile universale: publicadu su calendàriu de sos collòchios pro s'Unione de sos Comunes de su Monte Arvu



S'Unione de sos Comunes de su Monte Arvu at publicadu su calendàriu ufitziale de sos collòchios de seletzione relativos a su bandu pro sa seletzione de operadores voluntàrios de impreare in sos progetos de Servìtziu tzivile universale. S'avisu interessat sos candidados de sos progetos denominados "RA.DI.C.I. - Racconti di Comunità Identitarie", "Orme leggere sui sentieri inclusivi", "Tra le pagine, le persone" e "Culturanima".

Sas proas seletivas sunt in presèntzia sa die de lunis su 22 de làmpadas, comintzende dae sas 9 de mangianu in Thiniscole, in sa sede de s'Unione de sos Comunes de su Monte Arvu in carrera de Isalle snc (intrende dae carrera de Flumendosa). Sos voluntàrios cheret chi si presentent a s’ora issoro, istabilida cunforma a su còdighe de sa sede e a su nùmeru pròpiu de riferimentu de sa dimanda. Est de importu mannu a s’ammentare chi sa publicatzione de su calendàriu tenet valore de notìfica e chi s’ausèntzia sena motivu giustificadu cajonat s'esclusione automàtica dae sa protzedura.

Pro sos chi sunt impossibilitados a pigare parte a sa prima cunvoca, presentende una giustificatzione lestra e bàlida, b’at una data de recùperu pro su 24 de làmpadas. In custu casu, sos collòchios supletivos, semper in presèntzia, sunt in Nùgoro, in su Cunsòrtziu Sol.co. de carrera de Gramsci 22. 

Pro cale si siat netzessidade, crarimentu o sinnalatzione est possìbile a cramare a Gian Franco Migliorisi a su 0784878648 (internu 1) o puru imbiende unu messàgiu de posta eletrònica a s'indiritzu info@unionecomunimontalbo.it. Sas informatziones a minudu in contu de oràrios e de còdighes de cunvoca pro cada candidadu si podent consultare inoghe.

Post popolari in questo blog

Glocale e digitale, una tzitadinàntzia linguìstica noa. Ses cursos gratùitos de sardu

Immagine
  Su sardu no est petzi memòria, ma un'istrumentu biu pro sos tempos presente e benidore de custu logu. Est pro custu chi s'Ufìtziu de sa limba sarda de s'Unione de sos Comunes de su Monte Arvu annùntziat s'aberta de sas iscritziones pro unu tziclu nou de cursos de formatzione, gratùitos , indiritzados a sos dipendentes de sa Pùblica amministratzione de sas 9 biddas e a totu sos tzitadinos . S'initziativa pertocat sas comunidades de Thiniscole , Bitzi , Lodè , Lùvula , Onanie , Orune , Osidde , Pasada e Torpè e est parte de su programma regionale TuLiS (Tutela de sas limbas de Sardigna) pro su triènniu 2025-2027 (lege 482 de su 1999 e leges regionales 6 de su 2012 e 22 de su 2018). Su pianu formativu “ Glocale e digitale ” movet dae sas notziones de base pro nche lòmpere a s’impreu ispetzialìsticu de sa limba: Livellu base (dae s’11 de freàrgiu): 15 letziones online, cada mèrcuris a sas 6 de merie, in contu de Fonètica e de Ortografia , cunfrontende sas variedade...
Sighi a lèghere

Boghes in sa Foghe. In Santu Giuanne de Pasada sa Die internatzionale de sa Poesia

Immagine
  Su 21 de martzu est sa  Die internatzionale de sa Poesia . Su grupu  Pinna e Tinteri , in pare cun s’ Ufìtziu de sa limba sarda de su Montearvu , est organizende una serana literària de poesias a boghe arta. Sende chi s'incras est sa  Die internatzionale de s'Abba, su tema est pròpiu s'abba .  S’abba est la linfa de sa terra. Sa poesia est su respiru de s’ànima. Ambas current sena làcanas, ambas faeddant totu sas limbas, ambas apartenent a cada pòpulu.  S'apuntamentu est pro sàbadu su 21 de martzu a sas 17 in Santu Giuanne de Pasada (in su Ceas afaca a sa foghe). Chie cheret podet dare s’ adesione  sua ( intro e non prus a tardu de su 15 ) pro mèdiu de custu mòdulu inditende  nùmene ,  sambenadu ,  nùmeru   whatsapp ,  modalidade  de  partetzipatzione  e, si benit a lèghere,  tìtulu de sa poesia  (sua o de àtere).  S'eventu est abertu a totu sas persones de  cada natzionalidade . E...
Sighi a lèghere