A in antis cun su sardu: luego su cursu intermèdiu online de s’Ufìtziu linguìsticu de su Monte Arvu. Marca·ti·nche, est a s’indonu!



A pustis de sa bella resèssida de su primu mòdulu de alfabetizatzione ortogràfica, ue amus istèrridu sos primos passos intre règulas generales de iscritura e pronùntzias, s’Ufìtziu de sa limba sarda de s’Unione de sos Comunes de su Monte Arvu est aberende sas iscritziones pro su segundu livellu: su cursu intermèdiu.

Si in su primu percursu amus postu sas bases pro iscrìere in forma curreta e cussente, custu tziclu nou de atòbios online nos at a permìtere de nch’intrare a intro de s’istrutura e de sa richesa espressiva de su sardu.

Ite imparamus in custu cursu? Su programma est pro chie cheret manigiare sa limba sua cun seguresa, dae s’iscritura ortogràfica a una cumpetèntzia grammaticale e lessicale prus manna. Custu est chi amus a aprofundire
  • Lèssicu e terminologia: pro fàghere crèschere su vocabulàriu nostru e pro impreare sos tèrmines prus dèghidos in cuntestos modernos e fitianos.
  • Nùmenes, gènere e nùmeru: sas règulas e sas particularidades de sa flessione de sos sustantivos.
  • Artìculos e prepositziones: formas, impreos e articulatziones tìpicas de su sardu.
  • Agetivos e pronùmenes: pro descrìere, cualificare e remplasare cun pretzisione.
  • Su sistema verbale: coniugatziones, tempos e modos pro espressare mègius atziones, isfumaduras e acontèssidas.
Custa initziativa nch’est in intro de sas atividades de su bandu regionale Tulis 2025-2027 finantziadu cunforma a sa lege regionale 22/2018 (chi disciplinat sa polìtica linguìstica regionale) e a sa lege 482/1999 (pro s’amparu de sas minorias linguìsticas istòricas). 

Su cursu, gratùitu, comintzat su 16 de cabudanni
Pro àere informatziones prus a minudu est possìbile a cuntatare su 389 8213416
Pro bi pigare parte tocat a dare s’adesione cumpilende custu mòdulu


Post popolari in questo blog

Glocale e digitale, una tzitadinàntzia linguìstica noa. Ses cursos gratùitos de sardu

Immagine
  Su sardu no est petzi memòria, ma un'istrumentu biu pro sos tempos presente e benidore de custu logu. Est pro custu chi s'Ufìtziu de sa limba sarda de s'Unione de sos Comunes de su Monte Arvu annùntziat s'aberta de sas iscritziones pro unu tziclu nou de cursos de formatzione, gratùitos , indiritzados a sos dipendentes de sa Pùblica amministratzione de sas 9 biddas e a totu sos tzitadinos . S'initziativa pertocat sas comunidades de Thiniscole , Bitzi , Lodè , Lùvula , Onanie , Orune , Osidde , Pasada e Torpè e est parte de su programma regionale TuLiS (Tutela de sas limbas de Sardigna) pro su triènniu 2025-2027 (lege 482 de su 1999 e leges regionales 6 de su 2012 e 22 de su 2018). Su pianu formativu “ Glocale e digitale ” movet dae sas notziones de base pro nche lòmpere a s’impreu ispetzialìsticu de sa limba: Livellu base (dae s’11 de freàrgiu): 15 letziones online, cada mèrcuris a sas 6 de merie, in contu de Fonètica e de Ortografia , cunfrontende sas variedade...
Sighi a lèghere

Boghes in sa Foghe. In Santu Giuanne de Pasada sa Die internatzionale de sa Poesia

Immagine
  Su 21 de martzu est sa  Die internatzionale de sa Poesia . Su grupu  Pinna e Tinteri , in pare cun s’ Ufìtziu de sa limba sarda de su Montearvu , est organizende una serana literària de poesias a boghe arta. Sende chi s'incras est sa  Die internatzionale de s'Abba, su tema est pròpiu s'abba .  S’abba est la linfa de sa terra. Sa poesia est su respiru de s’ànima. Ambas current sena làcanas, ambas faeddant totu sas limbas, ambas apartenent a cada pòpulu.  S'apuntamentu est pro sàbadu su 21 de martzu a sas 17 in Santu Giuanne de Pasada (in su Ceas afaca a sa foghe). Chie cheret podet dare s’ adesione  sua ( intro e non prus a tardu de su 15 ) pro mèdiu de custu mòdulu inditende  nùmene ,  sambenadu ,  nùmeru   whatsapp ,  modalidade  de  partetzipatzione  e, si benit a lèghere,  tìtulu de sa poesia  (sua o de àtere).  S'eventu est abertu a totu sas persones de  cada natzionalidade . E...
Sighi a lèghere