Novas, contos e cuentos

Bentu b’at. Bentu meda. E fintzas un’ordinàntzia de su sìndigu de Thiniscole. Totu movet dae sos inditos presentes in su bulletinu de sa Protetzione tzivile essidu eris dende novas de “cunditziones meteorològicas aversas” e de survadas fùrridas dae ovest nord-ovest pro totu su die de oe. Dende una mirada a su pianu de protetzione tzivile in contu de fogos su primu tzitadinu at ordinadu sa serrada, comente forma de cautella, de sa praja de Bèrchida (comintzende dae s’intrada forestale de Capu Cuminu e dae s’intrada printzipale in currispundèntzia de s’istrada istatale 125) e s’àrea intrea de sa pineta de Mandras (impedende s’intrada intrende dae sa 125 e dae sas burgadas de Santa Luchia e de S’Ena ‘e s’Achita.  

  Sa Sardigna, cun sa rica cultura sua, istòria manna e ambiente ùnicu, est unu terrinu saliosu pro unu progetu de annestru ambientale chi intritzat antropologia e sas connoschèntzias locales. Cust’atzione, in intro de su progetu ABBA de su CEAS Montalbo de Lodè e de su Cumunu de Lodè,  mirat a sensibilizare sos partetzipantes de cantu importante est s'amparu de s'ambiente, avalorende sas traditziones e sos mitos ligados a s'abba, promovende pràticas de rispàrmiu ìdricu. Compidare s'Antropologia culturale pro cumprèndere su raportu intre sas comunidades e sas risursas ìdricas e su significadu culturale de s'abba in sa sotziedade sarda: custa fiat sa punna. S'abba che a unu deretu umanu e cuntierras in contu de risursas ìdricas; pro more de s'antropologia podimus analizare galu de prus su ligàmene fungudu intre abba, cultura e istòria de sa Sardigna, cun una mirada cara a s'istùdiu de sos creìngios, de sas traditziones e de s'ispiritualidade sarda...

 

  No est una morte cale si siat. Est una fratura invisìbile chi ti si ficat in petorras, mancari sigas a rìere. Ca unu babbu no est petzi un'òmine. Est cuddu muru chi pessaias esseret eternu. Est cuddu èssere umanu imperfetu chi, a manera sua, b'est semper istadu. Cando unu babbu morit, su mundu non s’arrezet… ma su mundu tuo mudat. Sos àteros sighint cun sa vida issoro. Sas noas andant a in antis. Sas retes sotziales non si nch’istudant. Ma tue… tue imparas it’est su mudìmene. Su mudìmene beru. Cuddu mudìmene chi abbòghinat in sas dies ditzosas, cando ti mancat s'abbratzu suo. Cuddu mudìmene chi a cada cumpleannu sedet in mesa e si ponet in sa cadrea bòida sua. Cuddu mudìmene chi t'acumpàngiat cando faghes carchi cosa de primore… e non tenes prus a chie lu contare. Issu no est istadu petzi chie chi t'at dadu sa vida, est istadu chie t'at insinnadu a non t'isporares, a ti nde torrare a pesares cando ruias, a ti callares cando carchi cosa ti “doliat”, a gherr...