Novas, contos e cuentos

  BEE PLANET🐝 CHENÀBURA 5 de trìulas a sas oras 16.00 a Patada BÌSITA IN AZIENDA APISTICA  "Asfodelo" de Filippo Corveddu - Patada Ùrtimu addòbiu cun su CEAS de Osidde pro su tziclu de addòbios dedicadu a sos mojaresos e/o a sos apassionados  de su mundu de sas abes de su territòriu de sa Riserva Tepilora, Rio Posada e Montalbo. Addòbiu a sas 16.00 in s'Azienda Apistica "Asfodelo" in Patada pro una bìsita a su laboratòriu professionale de Filippo Corveddu ue sos partetzipantes ant a pòdere bìdere su tziclu de traballadura de su mele.  Sa manifestatzione at a sighire cun sa bìsita in unu de sos apiares issoro ue b’at a èssere modu de bìdere sos mojos e de connòschere sas tècnicas apisticas postas in campu dae s'Azienda.  Chie s'at a chèrrere acurtziare a su mojo at a dèvere giùghere una tuta, sa caratza e sos guantes 🐝 🐝Pro cale si siat informatzione  mutire su nùmeru: 3391513094

  Sa de bator rassignas de “Ajò a Thiniscole” cun tema :archeologia mitos e legendas rapresentat un'eventu culturale de rilevàntzia meda pro sa comunidade locale e pro totu sos apassionados de s'istòria e de sas traditziones sardas. Cust’ annu Ajò a Thiniscole, est dedicada a sa valorizatzione de su patrimòniu istòricu e archeològicu de sa Sardigna e de su territòriu thiniscolesu Su tema nuràgicu est in su tzentru de custa editzione, cun s'obietivu de fàghere connòschere e apretziare s'antiga tziviltade chi at lassadu unu sinnale indelèbile in su paisàgiu e in sa cultura sarda. Cunferèntzias, bìsitas ghiadas e espositziones bos ant a accumpangiare in custas duas dies de cultura in Sardigna. Santa Luchia at a acasagiare Alberto Pala, Luca Derosa e Andrea Loddo, chi in pare bos ant a giùghere a connòschere su mundu de sos nuràgicos e de s'escursionismu in Sardigna.  In prus s'archeo  isperimentadore Andrea Loddo pro more de sa mustra sua archeo isperimentale bos a...

 

  Santa Luchia ammentat a Maria Giacobbe. S'ISTASAC in collaboratzione cun Libreria Carta Thiniscole- Santa Luchia ant organizadu una serada ispetziale pro l'ammentare su 9 de trìulas a sas 21:00  Sa serada at a èssere in Santa Luchia in s'ispàtziu CEAS

 Su coro Stellaria de Santu Nigola de Brunella cun piaghere mannu bos invita a sa die "Intre...montes in su parcu de Tepilora“, su primu eventu issoro nàschidu gràtzias a su contributu de su Tepilora - Parcu Naturale Regionale, creadu etotu cun sa punna de promòvere ambos. S'eventu at a èssere fatu in sas carreras de su tzentru istòricu de Brunella. In su percursu ais a pòdere ammirare sas fotos de sos paisàgios de su parcu, espostas in sas carreras e cuntzedidas a manera garbosa dae Mario Cadinu, e tastare sos produtos locales in sas numerosas postaziones enogastronómicas.  Paritzas sas initziativas presentes in su programa e intre custos su documentàriu fotogràficu e a incuru de Domenico Ruiu, espertu fotògrafu naturalista. Sa serada at a èssere allietada dae sos càntigos e dae sos ballos traditzionales in caminu. PROGRAMA ORAS 10:00  Comintzu cuncursu de pitura estemporànea in sas carreras de sa bidda  ORAS 17:30 Inaguratzione de s'eventu acanta a su Salone de sa ...

  A pustis de sa resessida de s’eventu pretzedente  e apoi de paritzas rechestas bos proponimus unu àteru viàgiu esperientziale cun sa curnisa de su Casteddu De sa Fava e sa mùsica de Fabrizio de Andrè interpretada dae sa banda E si Va - Tributo a De Andrè . Su grupu est formadu dae Cristian Manca (boghe e chiterra ), Francolino Bichiri a sa bateria, Gavino Foddanu a su bassu, Alex Cugudda (viola e violinu), Giovanni Casule (tastiera e boghe) e Alessio Manca (chiterra e bouzouki). S'eventu imbeniente l’ant a fàghere su 13 de trìulas dae sas 20:30 e pro more de prenotatzione; iscriende a castellodellafava@gmail.com o mutende a su 3444617875.

  Su 20 de Trìulas a sas 21:00, b’at a èssere in sa pratza de sa crèsia antiga sa de tres editziones de su memorial de Pietro Matteo Ruiu. Parentes e amigos lu giughent semper in su coro e s'ammentu suo est bivu in sa mente de totu cantos e pro custu lu cherent ammentare cun s'agiudu de Matteo Murgia, Sorpreska Pmfriends, Skaccomatto, Kontrol Z Djset.