Novas, contos e cuentos

  Su mese de abrile, in su Parcu de Tepilora, b’at a èssere sa de tres editziones de “Foreste Aperte”: bator dies de escursiones, laboratòrios e addòbios in sas biddas de Bitzi, Lodè, Torpè e Pasada. Pro bìdere su vìdeu de s’annu coladu incarca inoghe

  Su grupu “Ballos e Ammentos” cun s’amministratzione comunale de Thiniscole, est organizende, su 22 de martzu a sas 8 de sero in sa sede de s’oratòriu, un adòbiu cun totus sos operatores econòmicos de su setore enogastronòmicu, sos artisanos, sos hobistas,sos assòtzios e totus sos chi tenent su pràghere de mustrare sas maistrantzas e sas ispetzializade de su territòriu. At a èssere in prus  acraridu su programma de Siniscola.Zero.

PASADA. Su 19 de maju, in tretos de sos giardinetos "Enrico Berlinguer", b'at a èssere sa prima editzione de s'atopu de veturas de època in ammentu de Giacomo Casu, dae sas 9 de mangianu. Su giru panoràmicu est programmadu pro sas 11; duas oras a pustis su pràndiu. A sas 5 de sero sos saludos cun sos organizadores torrende gràtzias a sos chi b'ant a àere pigadu parte. Pro informatziones est possìbile a cumpònnere su nùmeru iscritu in sa locandina, finas impreende Whatsapp.

  Chie diat chèrrere partetzipare a su laboratòriu teatrale: “Dialoghi sulla non violenza” cun Oreste Braghieri, podet imbiare sa rechesta a sa biblioteca comunale de Thiniscole. Su  primu adòbiu at a èssere su 20 de martzu a sas 5 e 30 de borta de die.

  Su 14 de martzu si afestat su “Pi Greco”. Sa Biblioteca de su Comunu de Thiniscole est organizende pro sas dies de s’8 e de su 22 de martzu, unu laboratòriu de giogos de sa matemàtica pro sos pìtzinnos de 3°- 4° e 5° de s’iscola primària.

  Su 8 de Martzu a sas 7 de borta de die, pro sa die de sos deretos de sas fèminas, b’at a èssere in s’I.T.C.G. “Luigi Oggiano” de Thiniscole un’ispetàculu teatrale dedicadu a sas bidas istraordinàrias de sas mamas costituentes.

  Oràrios de abertura de sos puntos de informatzione in sas bator biddas de su Parcu a incuru de sos CEAS