Novas, contos e cuentos

  S'ùrtima tapa de Ilos de Istiu in Pasada at a èssere su 1 de austu e at a èssere presentada a sas 21 in pratza Berlinguer. At a èssere presentadu s'ispetàculu “Sas Comares Luvulesas e le onde gravitazionali “.  Su gènere de s’ ispetàculu est còmicu-satìricu e at a èssere in limba sarda.  Cun Elena Musio, Rosa Beccu e Teresa Loi; testu e règia Elena Loi.

  Fintzas ocannu su CEAS acasàgiat sa cumpangia teatrale Squìlìbrìa Circo. Su tema de aprofundimentu de ocannu at a èssere s'amparu e su contivìgiu de sos benes comunos. Sos laboratòrios s'ant a fàghere su 7, 8 e 9 de Austu in s'istrutura de su Ceas in Santa Luchia dae sas 16:30 a sas 19:00. Un'esperièntzia bella pro pipios e pitzocos dae sos 7 a sos 16 annos. Pro cale si siat informatzione mutire a su nùmeru: 3343012576 o a su: 3939781254

  Sa Proloco de Lùvula, at organizadu una àtera serada pro istare paris e mancari pro imbènnere pessones chi non si bident dae meda; s'at a faghere su 2 de austu a sas 19:30 in pratza Sebastiano Deledda. Bos isetant cotzas bonas, binu friscu e frùtura de istajone. Non mancadas!!

  Sa leva ‘77 at organizadu pro su 10 de austu a Thiniscole in sa carrera de De Gasperi (Corte de su Retore):”LA NOTE STELLATA - Sagra de sa berbeghe 2024”. Pro sa prima bia b’at a èssere  fintzas sa berbeghe arrustu in prus de cudda clàssica a buddidu. Sa serada at a èssere acumpangiada dae:  - Mamuthones - Dilliriana - Grupu folk "Juanne Piu" - Tenore "Santa Efis" - Tenore "Luisu Ozanu" - Ballos e Ammentos + TORNEU DE MURRA "Atzòviu de Murra, in ammentu de Tziu Parreddu" Su torneu de Murra organizadu dae sa leva cun sa famìlia in onore de Tziiu Parreddu, giogadore amantiosu de Murra.

  Pro su 27 de Trìulas, Kayak Rio Posada ASD Tepilora at organizadu unu giru a s'intrinada in su Rio Pasada. Un'addòbiu de non pèrdere pro bìvere unu momentu gasi màgicu che a s'intrinada, in un'insòlita curnisa che a sa de su Riu Pasada e cun s'isfundu de su Casteddu de sa Fae

  Su 4 de Austu b'at a èssere sa “Festa del Turista“ e s'at a fàghere in Sa Calita, in s'àrea   fraterna (Pratza Crèsia Nostra Sennora de Fatima). B'at a èssere unu stand in su cale ant a bèndere Supa Thiniscolesa , Seatas e Pompìa. Sa serada at a èssere acumpangiada dae: Coro Associazione Culturale Santa Luchia di Siniscola, Gruppo folk Tziu Juanne Piu, Gruppo Folk Cuccurru e Janas, Gruppo Musicale Sonos & Cantos e at a presentare Francesco Spanu.

  Su 26 de triulas a sas 21 in su Cumplessu nuràgicu de Romanzesu in Bitzi, cun "𝐈 𝐥𝐮𝐨𝐠𝐡𝐢 𝐞 𝐥𝐚 𝐦𝐞𝐦𝐨𝐫𝐢𝐚. 𝐋𝐚 𝐒𝐚𝐫𝐝𝐞𝐠𝐧𝐚 𝐭𝐫𝐚 𝐚𝐦𝐛𝐢𝐞𝐧𝐭𝐞 𝐞 𝐬𝐭𝐨𝐫𝐢𝐚." Addòbiu cun Fiorenzo Caterini autore de "Colpi di scure e sensi di colpa" e de "La mano destra della storia". Nde faeddat cun s'autore, 𝑩𝒂𝒄𝒉𝒊𝒔𝒊𝒐 𝑩𝒂𝒏𝒅𝒊𝒏𝒖. Cun sa partetzipatzione de su Tenore Romanzesu de Bitzi. Intrada gratuita.  Partinde dae sas oras 20.00 cun su buffet (cun prenotatzione  intro giòvia 25 de trìulas a sas 13). Pro cale si siat informatzione o pro prenotare mutire a su 3333211346 o a su 3332371759

  Su 2 de Austu, a sas 21 in Pratza Venezia de Santa Luchia b'at a èssere un'ispetàculu teatrale intituladu:”Asciutti schizzi d’oro“.  Sos atores ant a èssere: Barbara Murru, Claudio Spanedda, Lucio Bandinu, Mariagrazia Cretì, Monica Aiello, Paola Carroni, Paola Pipere, Rachele Secchi, Rossana Angius . Ant a partetzipare fintzas: Coro Montalbo de Thiniscole (ghiadu dae sa diretora Mina Nanni) e su Grupu Folk La Caletta. A incuru de Monica Pusceddu, teatroterapeuta. Pro cale si siat informatzione mutire a su 3805299138

  Su 30 de Trìulas Ilos de Istiu arribbat fintzas a Onanie cun un’ispetàculu de non pèrdere pro totu sas famìlias. At a èssere postu in iscena “Il gatto dagli stivali “ de Teatrodinverso. At a comintzare a sas 21:00 in sa corte de s'iscola elementare. Cun Gianfranco Corona, Antonello Faddis e Giuseppe Ligios. Regia de Giuseppe Ligios

  Ilos de Istiu torrat a Lùvula su 29 de Trìulas cun s'ispetàculu “Muri a cielo aperto“ de Teatru S'arza; s'eventu at a èssere in pratza de sa Crèsia de Nostra Sennora de sos Anghelos dae sas 21 a sighire.  Cun Maria Paola Dessì, Stefano Petrello e regia de Romano Foddai.

  Dae su 31 de trìulas a su 3 de Austu, in Lùvula b'at a èssere sa festa in onore de  Nostra Sennora de sos Ànghelos. Su 31 b'at a èssere a sas 18:30 sa Missa cun pregadorias pro Nostra Sennora e càntigos de sos gosos. Su primu de Austu b'at a èssere  a sas 18:30 sa Missa cun pregadorias pro Nostra Sennora  e càntigos de sos gosos. Su 2 b'at a èssere a sas 18:30 sa Missa cun pregadorias pro Nostra Sennora e càntigos de sos gosos; a sas 21:30 partèntzia de su pellegrinàgiu e a sas 22:30 sa Missa pro su “Perdonu de Assisi” Su 3 b'at a èssere a sas 18:30 sa Missa cun pregadoria pro Nostra Sennora e càntigos de sos gosos, a sighire b'at a èssere sa professone in sas carreras de sa bidda e a su tèrmine chena comunitària oferta dae su comitadu

  Su  27 de trìulas in Santa Luchia, a sas 20.00, in su CEAS, b'at a èssere s'ocasione de connòschere mègius a Elfie Pertramer e sa “ magica isola ” sua. Elfie, regista afirmada,  est arribbada in Sardigna in sos annos 70 e in Thiniscole at connotu sa famìlia Deiana chi l’at fatu istimare sa Sardigna autèntica e s'est amorada de s'Ìsula. At iscritu de sa Sardigna in Die Magische Isle e at  prodùidu duos documentàrios.  Sa serada at a èssere coordinada dae Maria Antonietta Fadda cun sos interventos de Patrizia Ledda e Grazia Manca. S'acumpagnamentu   musicale at a èssere incuru de su Tenore Luisu Ozanu, Tenore Santu Efis e Tenore Ususule.

  S'assòtziu culturale Pro sa Idda  cun su contributu de su Parcu Naturale Regionale de Tepilora e sa collaboratzione de s'Assòtziu astronòmicu Nugoresu ant organizadu sa 2° editzione de "Un sentiero di stelle". Sa manifestatzione at a èssere su 1 de Austu in Lodè,  a cumintzare dae sas 18 cun addòbiu in Guzzurra (Locanda Ammentos), a sas 18:30; passigiada naturalìstica e a sas 21:00 s’osservatzione de su chelu. S'eventu at a èssere gratuitu ma cun prenotatzione obbrigatòria; pro cale si siat informatzione e pro si prenotare mutire a su 3401529566.

  Panathlon Club Pasada at organizadu pro su  27 de trìulas a sas 21 una serada de mùsica ètnica e ballos folk cun Tonino Pira, in su Parcu “Luca Tanzi” in Pasada.

  Sas Levas ‘74 e ‘99 de Lùvula bos invitant a sa Festa de sa Birra chi at a èssere su 27 de Trìulas dae sas 19 a sighire.  B'at a àere diversas castas de birras, paninos e patatinas. Pro una serada a s'insegna de s’ ispàssiu no at a mancare sa mùsica e su karaoke; pro rèndere sa serada galu prus alligra b'at a àere giogos che a “Beer Pong” e “Flip Cup”.  Bos aisetant in meda. 

  Su 24 de trìulas, a sas 21 in Pratza Venètzia in Santa Luchia, Graziella Monni at a presentare su libru suo  “Il Medico di Càller”. In su romanzu Graziella Monni contat de s'addòbiu e de s'iscontru intre duos mundos e duas religiones. Jacopo e Violante, che a Romeo e Giulietta, cun s'istòria issoro de amore sunt in su tzentru de un'afriscu memoràbile, in unu lughente Chimbighentos sardu. In custu libru batallas e intrigos faghent de mere, venturas pro mare e tramas de corte. Sas leturas ant a èssere fatas dae Tiziana Patteri, Eleonora Vulpes, Mauro Piredda de s'ufìtziu Limba Sarda de s'Unione de sos Comunes de su Montearvu. S'acumpatzamentu musicale at a èssere a incuru de Mauro Piredda (bassu) e Andrea Fenu (piano). Ant a dialogare cun s'autora Samantha Brau e Mara Spanu.

  Su 25 de trìulas, a sas 21 in Pratza Belvedere in Pasada, b'at a àere un'ispetàculu còmicu-satìricu sotziale pro totus, intituladu “Tu vai… io non posso”; de e cun Mauro Salis e Stefania Calvisi e règia Elena Musio. S'intrada no est pagamentu ma a oferta lìbera.  S'incassu intreu de sa serada at a èssere dadu a s'Assòtziu Speedy Sport. In casu de tempu malu sa serada s'at a fàghere in s'Auditòrium Comunale.

  At torradu a abèrrere a Pasada s'ufìtziu turìsticu in pratza Rockfeller e pro cale si siat informatzione l'ais a agatare abertu totu sas dies dae sas 9 a sas 13 e dae sas 15 a sas 19. Totu sas atividades de sa bidda  sunt invitadas a giùghere a s'ufìtziu su materiale publitzitàriu pròpiu.

Comente Ufìtziu de sa limba sarda amus pigadu parte a sa presentada de su libru "Cristallo" de Livia Sambrotta, cuidada dae s'assòtziu "Dialoghi con l'autore", proponende sa letura de sa tradutzione de su pròlogu chi publicamus inoghe in suta. S'apuntamentu fiat su 17 de trìulas in Santa Luchia.

  Su Fèstival in caminu “Domusdeteatro-Ilos de Istiu”, organizadu dae Ilos Teatru, pro s'editzione nùmeru 28, dae Lùvula s'est a bellu a bellu allargadu a sa provìntzia de Nùgoro e Tàtari finas a nche lòmpere a Pasada su 24 de trìulas.  Su die, a sas 21, s’apuntamentu est acanta a su tzentru Luca Tanzi cun “La Bottega dei Teatranti” chi at a presentare “Janas, Surbiles e altri miti della Sardegna”, ispetàculu Teatru-Famìlias; in iscena Ivano Cugia e Francesco Tzivile, testu e regia de Ivano Cugia

  Su Fèstival in caminu “Domusdeteatro-Ilos de Istiu”, organizadu dae Ilos Teatru, pro s'editzione nùmeru 28, su 21 de trìulas at a fàghere tapa in Lùvula, a sas 21 in sa pratza de sa crèsia Sennora Nostra de sos Ànghelos: Palatzu de ierru at a presentare “Musica fra le stelle”, cuntzertu musicale-poèticu, cun Giusy Murgia Onnis-boghe, Gianluca Podda chiterra-coros e Enrico Atzeni tastiera-coros.

  Alessia Patteri cun Wellness pilates istùdiu ant organizadu pro su 20 de trìulas  una caminada metabòlica cun Jill Cooper! S'addòbiu at a èssere a sas 9 in sa Pratza de sa Turre in Santa Luchia e sa caminada at a cumintzare a sas 9:30. Dèchida pro cale si siat edade e pro totu sos livellos de allenamentu, custa esperièntzia est perfeta pro chie si siat chèrgiat istare mègius e prus enèrgicu.  Sos postos sunt limitados e pro si nche marcare bisòngiat a telefonare a su 3513618595

  Su 20 de trìulas, s'at a tènnere a Santa Luchia sa de tres editziones de sa “pentolaccia a cavallo”; pro unu merie sa bia de su portu etzu s'at a trasformare in una pista pro sa “pentolaccia” e sas parìglias. Sa manifestatzione l’ant a abèrrere comente a cada annu cun s'isfilada de totu sos cadderis chi ant a partetzipare a sa “pentolaccia”  pretzèdidos dae sos rapresentantes de s'Assòtziu e dae sos “Tamburini Trombettieri” de Aristanis chi ant a acumpangiare fintzas sa “pentolaccia” e sas parìglias.  B'at a àere unu puntu recreu in pineta cun màndigu e bìbitas e a fine serada b'at a èssere sa mùsica de sos NovoSonos.

  S'APSD POSADA at organizadu pro su 20 de trìulas su de chimbe memorial pro ammentare s’istimada Mariarosa Sanna; b'at a èssere sa gara de “mormora a scarroccio” aberta a professionistas-amatoriales. Sa serada at a cumintzare a sas 19 cun atopu in su portu de Pasada; sa gara at a èssere dae sas 20 a sas 24 e a mesu note e mesu b'at a èssere sa premiatzione in sa pizzeria Rosa dei Ventii de Sa Caletta. Sa cuota de partetzipatzione est de 30€ (in intro de sa cuota fintzas sa pitza).  Pro sa prenotatzione e pro cale si siat informatzione mutire a Giacomo a su 3495922346, a Michelangelo a su 3533983250, a Fabrizio a su 3468012925 e a Massimiliano a su 3409838298.

  Dae su 15 de trìulas at torradu a abèrrere sa Domo de sas Damas in Pasada S'ant a pòdere bisitare sas salas espositivas noas cun paritzos artistas locales e regionales, ma fintzas mustras fotogràficas, s'istòria de su Casteddu De sa Fae, cun foto, ricostrutziones e cun s'espositzione de sa còpia de s'Èrcule de Pasada.  S'istrutura at a èssere aberta a su pùblicu dae sas 9.00 a sas 21.00 die cun die. Costu billete intreu: Petzi salas espositivas Domo de sas Damas €.2,00 Billete ùnicu Casteddu e Domo de sas Damas €.5,00 sunt prevìdidas comente a semper billetes reduidos e gratuitos

  Su Comunu de Thiniscole cun sa collaboratzione de s’Unione de sos Comunos de su Montarvu e Fondazione di Sardegna ant  organizadu pro su 13 de Trìulas sa serada “Voci e Balli tra Mare e Tradizioni”; s'eventu at a èssere in Santa Luchia a sas 21:00.  At a sonare Tore Chessa, a cantare su Coro Su Siniscolesu e a ballare su Grupu de Ballu Sardu Ballos e Ammentos.

  Sa parròchia Sant'Antonio de Pàdua in collaboratzione cun sa leva 1974 organizant sa festa in onore de Sant'Anna de Lodè Programa religiosu dae su 19 a su 28 de Trìulas - Crèsia de Sant'Anna  Dae su 19 a su 27 de trìulas (totu sas dies)  oras 17:30 Santu Rosàriu oras 18:00 Santa Missa - Pregadoria de Novena  oras 21:00 Adoratzione Eucarìstica - Santu Rosàriu - Pregadoria de Novena Giòvia  25 de trìulas oras 5:00 Pellegrinàgiu dae sa Parròchia de Lodè finas a Sant'Anna  oras 8:00 Santa Missa  oras 17:30 Santu Rosàriu oras 18:00 Santa Missa - Pregadoria de Novena  oras 21:00 Adoratzione Eucarìstica - Santu Rosàriu - Pregadoria de Novena  CHENÀBURA 26 TRÌULAS  oras 17:30 Santu Rosàriu oras 18:00 Santa Missa - Pregadoria de Novena oras 21:00 At a èssere tzelebrada sa Santa Missa in sufràgiu de sos mortos de sa Leva   1974 e a concrusione de sa Missa b'at a èssere sa fiacolada  SABATO 27 TRÌULAS oras 11:00 Santa Missa   ...

  Sa Leva 85 de su comitadu Santu Juanne Batista de Thiniscole, at organizadu pro su 13 de trìulas unu fèstival e bos invitat a colare una serada paris cun mùsica e  ispàssiu. Sa serada at a èssere in sa Pratza de su Portu in Sa Calita, at a cumintzare a sas 21:30.  Ant a sonare sos Tamurita e sa Ferrando’s Band; a abertura e serrada de su fèstival at a sonare Dj Ozzy. B'at a àere una zona ristoro e tzilleri cun paninos, bibitas, birra, paninos sena glùtine e patatinas fritas.

  Un'eventu nou in su  Casteddu de sa Fae, pro bìvere s'arbèschida in unu cunstestu ùnicu che a cussu de su Casteddu, at a èssere su 20 de trìulas e est petzi pro prenotatzione. Mentras su sole àrtziat a bellu in s'orizonte, as a tènnere s'onore de ascurtare sa delicada e dèchida melodia de sos fundos seculares presentes in su Casteddu de sa Fae, chi ant a tènnere sos sentidos tuos, permitende a sa mente de bagamundare lìbera  in unu mundu de maghia e armonia pura.  Sa mangianada s'at a partzire in: oras 6:30 intrada a su casteddu e bìsita in libertade oras 7:30 cumintzu iscurtu de sos fundos in ue b’ant a èssere presentes espertos e  maistros  de yoga e ding shu qi gong oras 9:00 fine iscurtu de sas prantas e cafè ofertu dae su personale  oras 9:30 bìsita salas espositivas de sa Domo de sas Damas Su costu pro s'eventu est de €10 e sa prenotatzione si podet fàghere mutende a su 3444617875 o mandende una mail a castellodellafava@gmail.com o prenotende d...

  Pro su 13 de Trìulas,  Kayak Rio Posada ASD P. Tepilora at organizadu su giru a s'intrinada in Kayak in su Riu Pasada, un'esperièntzia de non pèrdere pro ammirare mègius sa natura incantadora de su Riu Posada, cun sa cornitze de su Casteddu De sa Fae. Meravìllias a fil’a pare, su bolu trancuillu e sena istrobu de sos airones, paisàgios insòlitos e incontaminados si còjuant cun sos colores e sos nuscos de sa macra mediterrànea finas a arribbare a su mare. Pro prenotare s'escursione mutit a su 3426947149

  Su 10 de trìulas a sas 21, acanta a Prata Venètzia a Santa Luchia, “Dialoghi con l’autore” at a presentare su libru de Piergiorgio Pulixi “Un'ora d’amore”. Romanzu ambientadu in una Milanu violenta e indiferente, mundada dae s'abba e dae su bentu, Pulixi pintat unu romanzu carcu de umanidade, pathos e durcura: unu dramma familiare chi pertocat fintzas sas vidas de sos sìngulos politziotos, ischidende pantasmas issoro chi aiant isperadu chi esserent lassados a palas.

  Su 11 de Trìulas a sas 19, in  Fora ‘e Muros, in su tzentru istòricu de Pasada Carla Zirottu  at a allegare cun Graziella Monni de su librru  “Il medico di Càller “, cun sas  leturas de Giovanni Delussu.  In su romanzu Graziella Monni contat de s'addòbiu e de s'iscontru intre duos mundos e duas religiones. Jacopo e Violante, che a Romeo e Giulietta, cun s'istòria issoro de amore sunt in su tzentru de un'afriscu memoràbile, in unu lughente Chimbighentos sardu. In custu libru sos meres sunt batallas e intrigos, venturas pro mare e tramas de corte. Pro nd’ischire de prus non mancadas su 11 de trìulas a sas 19!!

  Su 17 de Trìulas a sas 21, acanta a prata Venètzia a Santa Luchia, “Dialoghi con l’autore” at a presentare  su libru “Cristallo” de Livia Sambrotta. Ant a dialogare cun s'autora Serena Pipere e Samantha Brau e sas leturas ant a èssere fatas dae Giuseppe Dalu, Anna Maria Crasta, Mauro Piredda de s'Ufìtziu Limba Sarda Unione de sos Comunes de su  Montearvu. Su sero at a sonare Luciano Sezzi a su sassòfonu e Andrea Fenu a su pianu. “Cristallo” est unu “thriller” amprosu, bilantziadu in cada parte sua, dominadu dae unu paisàgiu chi prenat a su mancu sa metade de s'istòria contraponende·si in manera simbòlica cun sa lughe pròpia a sas zonas iscuras de sos delitos e de su suddu. Unu romanzu subra de sa fragilidade e subra de s'impossibilidade de s'emantzipare de sos ammentos, un'istòria de mudìmenes, de paràulas mai naradas chi guastant, torturant e ochint. “Cristallo” èvocat soledades profundas e su bisòngiu de riscatu de sas dies nostras. Finas a s'ùrtima pàgi...

  Chenàbura 12 de trìulas, b’at a èssere in Pasada, su de tres torneos de biliardinu organizadu dae Panathlon Club Baronia. Su torneu l’ant a fàghere in prata Berlinguer e at a cumintzare a sas 18. Pro s'iscritzione bisòngiat de pagare una cuota de €30 a còpia chi incrusu de paninu e bibitas. Sas iscritziones devent èssere fatas intro de su 11 de trìulas e ant a èssere premiados sos primos tres postos. Pro cale si siat informatzione mutire a su 3442688040.  Sa serada at a èssere allietata cun mùsica.