Novas, contos e cuentos

  Su 15 de làmpadas a sas 3 de borte e die finas a sas 6, su Comunu de Torpè, cun sa collaboratzione de s’iscola ”MEA” est organizende una die dedicada a sa mùsica. S’ant a pòdere connòschere sas atividades de s’Iscola Tzìvica de Mùsica (MEA), proare sos istrumentos  de cantos e partetzipare a letziones. Dae sas 6 e mesu de sero b’ant a èssere sàgios cun sas classes de sas Iscolas de “Organetto Diatonico”, violinu e chiterra.

  Su 24 de abrile, su 2, 8 e 15 de maju, sos pitzinnos de s’iscola segundària de Lodè ant a pòdere partetzipare a “Se leggi ti lìb(e)ri” in ue ant a pòdere connòschere s'istòria de sa bidda issoro cun un'addòbiu de s'istòricu Giacomo Floris e de s’illustradora Claria Piras. Ant a sighire àteros addòbios cun sos pitzinnos prus minores.

  Su 24 de abrile, sos pitzinnos de sas iscolas primàrias e segundàrias de Torpè, Pasada e Lodè ant festadu Sa Die de sa Sardigna cun letziones de istòria sarda naradas in limba sarda. Sas letziones, ghiadas dae Isabella Tore in Lodè, Omar Onnis in Torpè e Annarosa Corda in Pasada ant faeddadu de Sardos e de Sardigna, e sos pitzinnos ant pòdidu ascurtare bìculos de istòria de sa terra issoro.

  LÌTERA DE ADIOSU Si pro un'iscuta Deus s'at a ismentigare chi so una marioneta de roba e m'at a donare agigu de vida, podet èssere chi non dia nàrrere totu su chi penso, ma prus a prestu dia pensare totu su chi naro. Dia dare valore a sas cosas, non pro su chi si balent, ma pro su chi cherent nàrrere. Dia dormire pagu, dia bisare de prus, cumprendo chi  cada minutu chi serramus sos ogros,  perdimus sessanta segundos de lughe. Dia mòvere cando sos àteros s’arreant, dia istare ischidadu cando sos àteros dormint, dia ascurtare cando sos àteros faeddant e cantu dia tastare unu geladu bonu de tziculate!! Si Deus mi donaret agigu de vida, dia bestire in manera simpre, mi dia corcare conca a sole lassende iscucuzadu non su corpus meu ebbia, ma fintzas s'ànima mea. Deus meu, si giughere unu coro, dia iscrìere s'òdiu meu subra de s'astrau e dia isetare chi s'iscazaret a su sole. Dia pintare cun unu bisu de Van Gogh subra sos isteddos unu poema de Benedetti e una ca

  S’Ufìtziu linguìsticu de su Monte Arvu organizat in Thiniscole, in sa Sala Consiliare de s’Unione, Carrera de Isalle, unu cursu de Limba Sarda. Dae su 8 de maju a su 10 de trìulas, cada mèrcuris a sas  chimbe de sero, b’ant a èssere deghe addòbbios cun proa finale in contu de fonologia, morfologia, sintassi e istòria de sa limba nostra. Su maistru at a èssere s’operadore de isportellu Mauro Piredda, espertu de limba sarda, giornalista e tradutore Pro si marcare tocat a imbiare una mail a cultura.unionemontalbo@gmail.com inditende: nùmene, sambenadu e nùmeru de telefoneddu pro sos cuntatos de grupu; Pro cada informatzione podes telefonare a su 0784 878648 internu 5, dae sas 8.30 a sas 13 onni die francu su sàbadu.

Est tempus de collòchios in sas iscolas pro chi sos dotzentes potzant cumpartzire cun sos genitores giudìtzios e valutatziones disciplinares e de rendimentu de sos istudiantes. Pro chenàbura su 19 de custu mese nd’ant programmadu una sessione in s’istitutu Luisu Ozanu de Thiniscole. S’avisu, indiritzadu a dotzentes, alunnos, babbos e mamas, Dsga e personale, marcat comente oràriu sa fàscia dae sas 15.30 a sas 19.30. Sos dotzentes chi ant a resurtare assentes pro cale si siat motivu, semper e cando, ant a retzire sos genitores in data comunicada a pustis. 

Karolina Grabowska (Pexels) Fintzas pro ocannu sa Regione at finantziadu un’interventu de sustegnu pro sos chi sufrint de fibromialgia. Dae su primu de abrile, finas a su 30, totu sos tzitadinos interessados (e gasi sos de Thiniscole, Pasada, Torpè, Lodè, Orune, Bitzi, Osidde, Lùvula e Onanie) podent fàghere dimanda pro s’indennidade regionale 2024. Su sustegnu – chi cheret pedidu in su Comune de residèntzia) est de 800 èuros e lu podent retzire sos chi sunt in possessu de tzertificatzione mèiga – emìtida dae un’ispetzialista abilitadu a s’esertzìtziu de sa professione e iscritu a s’albu – chi atestet sa diàgnosi. In prus de custu recuisitu tocat chi s’interessadu non siat benefitziàriu de àtera mesura de sustegnu cuntzèdida petzi pro sa diàgnosi de sa fibromialgia. De prus, cherent alliongiados sa còpia de su documentu de identidade e de sa tèssera sanitària e s’Isee ordinàriu 2024. Custu pro sas istàntzias noas. Pro sos chi ant benefitziadu de s’indennidade regionale s’annu coladu po

  Su 7 de Abrile in Torpè at a cumintzare sa de 3 editziones de “Forestas Abertas 2024”: su programma previdet addòbios, escursiones e laboratòrios  in totu su territòriu de sa bidda, dae sas 9 de su mangianu finas a sas 6 de sero.

  Est pro comintzare sa de 3^ editzione 2024 de “Foreste Aperte” in su Parcu de Tepilora, sa prima die de sa manifestatzione s’at a faghere in Torpè su 7 de abrile; a sighire su 21  in Lodè, su 25 in Pasada e su 28 in Bitzi. B’ant a èssere escursiones, laboratòrios e ispetàculos in sas biddas.

  Ite tocat de faghere s’in casu chi abarrades inserrados in unu fogu de padente.