Novas, contos e cuentos

Est tempus de carrasegare, e in sos logos nostros non mancant sos apuntamentos pro custas dies de festa.  In Thiniscole sa prima data est sa de sàbadu su 1 de martzu cun sos ballos in s’ex Tzìnema, dae sas 9 de sero. S’incras, dae sas 14.30, b’est s’isfilada de sos carros allegòricos. Martis su 4, martis de carrasegare, s’eventu est pro sos pitzinnos in s’ex Poa a sas 16. S’8 tocat a sos de s’Orcu de Montiarvu cun initziativas dae sas 10 de mangianu finas a su sacrifìtziu de sa bèstia. Apuntamentu finale su 9 cun ‘isfilada in sa Marina (dae sas 14.30) In Pasada su 4 comintzat totu a sas 15 cun sa vestitzione de sos Tintinnatos de Thiniscole in pratza Belvedere. Mes’ora a pustis movent in pare cun sos Tumbarinos. A sas 15.30 movent sos carros allegòricos dae pratza Coghe Fae. Totu cantos s’atopant in sa rugrada intre sas carreras de Garibaldi e de Mameli. In Lodè su Martis de carrasegare comintzat a sas 16 in pratza de Villanova. In sas immàgines sas informatziones a minudu.

  Lùvula (NU) est pronta a acollire totu sos visitadores chi ant a chèrrere connòschere e mirare su Carrasecare Luvulesu, chenàbura su 28 de freàrgiu e sàbadu prima die de martzu 2025. Custu eventu ùnicu dat manera de intrare in sas antigas traditziones sardas e de bìvere sa rapresentatzione de sa caratza de " Su Batileddu ". Custa màscara est sa figura tzentrale de su Carrasecare de Lùvula, sìmbulu de antigos ritos propitziatòrios ligados a sa fertilidade de sa terra. Sa caratza rapresentat sa vìtima de unu sacrifìtziu, bestida cun peddes de berbeghe, sa cara inniedada de fumàdigu ammisturada a sàmbene e unu cugutu cun corros de cabra, baca o cherbu. In frau de s'isfilada, àteros pessonàgios ponet fatu a "Su Batileddu", caratzas che a sas " Gatias ", òmines bestidos de gatias chi atitant sos mortos, e sos " Massajos ", chi impersonant sos guardianos de su bestiàmene e giughent sa vìtima peri sas carreras de sa bidda. Custa rapresentatzione t...

Domìniga su 2 martzu, in sa sala consiliare de s’Unione de sos Comunes de su Monte Arvu, sos su comitadu “SarDegna iniziativa popolare” ant a presentare campagna “Liberamus su votu”, regorta de firmas pro una proposta legislativa dae bassu a tales chi si mudet sa lege eletorale chi, a su presente, nche lassat in foras partidos e coalitziones chi non nche bàrighet isbarramentos prus chi no artos. Sa proposta punnat a una lege noa proportzionalista. S’apuntamentu est a sas 17.30 in carrera de Frumendosa. 

Cun sa punna de favorèssere s’inserimentu e s’istabilizatzione de sas persones cun disabilidade, sa Regione at publicadu s’avisu a isportellu “Valore Lavoro” in intro de su PR Sardegna FSE+ 2021-2027. Sunt tres sas lìnias a sustennu de sos datores de traballu privados de Sardigna: sa A pertocat s’assuntzione de traballadores cun disabilidade; in sa B bi sunt sos agiudos pro cumpensare sos gastos sobrados in contu de disabilidade; sa C pertocat sos contributos pro sos tirotzìnios. S’importu màssimu chi si podet erogare nche podet lòmpere finas a 50mìgia èuros. Sas candidaduras cherent imbiadas via pec a s’indiritzu agenzialavoro@pec.regione.sardegna.it dae su 17 de martzu finas cando b’at fundos a disponimentu. Inoghe sas informatziones prus a minudu .