Novas, contos e cuentos

A pustis de sete annos dae s’adotzione de sa lege 22, sa Regione at comunicadu sos resurtos de sa commissione incarrigada pro definire su standard ortogràficu definitivu pro sa limba sarda. S’idea de sos cumponentes at bidu sa lughe in s’ùrtima setziada de su 29 de freàrgiu sighende sa punna de àere una limba prus mesana de sa Lsc atuale. Pro cussu est chi ant disinnadu de leare in cunsideru s’isoglossa de ‘Adu ‘e mesu, in tretos de Torpè. Seberadu duncas su torpinu comente standard iscritu. Inoghe sos documentos verbalizados.  

Cun duas dies a fine de martzu, su Tzentru de educatzione ambientale de Santa Lughia e s’assòtziu literàriu Dialoghi con l’Autore organizant in Thiniscole un’apuntamentu importante meda in contu de amparu ambientale. Sàbadu su 29 e domìniga su 30, in sa Domo de su Parcu de carrera de Piemonte, sas dunas nostras sunt sas protagonistas de una mustra, de unu laboratòriu de tzitadinàntzia ativa e de unas cantas atividades pro pitzinnos e pitzocos. S’espositzione fotogràfica est in allestimentu in sos aposentos de sa domo, e b’at galu tempus pro chi siant sos tzitadinos etotu a bi contribuire cun immàgines tiradas in sas prajas locales cun sas màchinas issoro. Difatis is organizadores ant seberadu de pònnere in parte da gente de su logu comente testimòngios de sos tretos dae ue custas dunas brotant. Parte manna de sas fotografias l’ant giai posta a disponimentu is de s’assòtziu Siniscola domani, chi collàborant a s’eventu. Custu su resurtu de sa faina: totu cantas sas immàgines las ant a pr...

  Fèminas e limbas minoritàrias, unu parallelismu netzessàriu S’8 de martzu, diada internatzionale de sa fèmina, nos faeddat. E nos ponet a meledare in contu de su ruolu suo e de sos disafios fitianos peri su mundu. Pagas chidas a como, su 21 de freàrgiu, amus imbetzes tzelebradu sa diada internatzionale de sa Limba materna, un'ocasione pro dare valore a sa diversidade linguìstica e culturale de sos pòpulos.  Leados gasi, custos duos eventos diant pòdere pàrrere a tesu s’unu dae s’àteru, ma falende·nche a fundu podimus sebestare unu parallelismu ispantosu. Ambas duas, sas limbas minoritàrias e sas fèminas, medas bortas sunt boghes silentziadas. Sas limbas minoritàrias rapresentant oe s’identidade nostra, contant istòrias de su connotu e podent veiculare sas connoschèntzias atuales e de su benidore. E comente pro sas fèminas, chi pro sèculos intreos nche las ant esclùdidas dae sos tzentros de pòdere, giagarende·nche·las, fintzas a custas limbas nche las ant aoradas, minorizadas...

  Su 21 de martzu est sa Die internatzionale de sa Poesia . Su grupu Pinna e Tinteri , in pare cun s’ Ufìtziu de sa limba sarda , semus organizende s'essida literària " Versos in caminu ". S'apuntamentu est pro chenàbura su 21 de martzu a borta de die in Thiniscole (luego amus a comunicare itineràriu e oràrios). Chie cheret podet dare s’ adesione sua ( intro de su 15 ) pro mèdiu de custu mòdulu inditende nùmene , sambenadu , nùmeru whatsapp , modalidade de partetzipatzione e, si benit a lèghere, tìtulu de sa poesia (si est cosa pròpia est mègius). S’ Ufìtziu de sa limba sarda abarrat a disponimentu via mail ( cultura.unionemontalbo@gmail.com ), telefonende a su 0784 878648 (internu 5) e in presèntzia (su lunis e sa chenàbura dae sas 9 a sas 13.30 in s' Unione de sos Comunes de su Monte Arvu - carrera de Frumendosa) pro cale si siat consulèntzia linguìstica e mètrica . E finas, s'in casu, pro isseberare paris sa poesia. Pro compilare su mòdulu inc...