Novas, contos e cuentos

  Apassionadu de natura e de turismu ses? Istùdia a Guida Ambientale Turìstica in Sardigna! 🌳  👉 Pro bi pòdere leare parte tocat a àere cumpridu nessi 18 annos e a tènnere unu diploma de iscola mèdia superiora.   🏞️ Traballa in sos entes turìsticos, parcos naturales e galu àteru meda!   Abbàida s'ischeda informativa de su cursu e iscrie·ti deretu! sosor.eu/guida-ambientale-escursionistica-gae

Comente Ufìtziu de sa limba sarda amus pigadu parte a sa presentada de su libru de Piergiorgio Pulixi, aprontada dae s’assòtziu Dialoghi con l’Autore, chenàbura su 26 de ghennàrgiu in s’auditorium de sa fundatzione Farris Tedde. Pro cussa ocasione amus traduidu s’istèrrida de su libru e in cue etotu l’amus lèghida.

  S'assòtziu culturale “Dialoghi con l’Autore” in collaboratzione cun sa Fundatzione Farris-Tedde, su Comunu de Thiniscole, sa Biblioteca Comunale “Grazia Deledda” de Thiniscole, s'Ufìtziu Limba Sarda Unione de sos Comunes de Montearvu e sa Cartolibreria Giumar Multiservice presentant su romanzu de 𝑷𝒊𝒆𝒓𝒈𝒊𝒐𝒓𝒈𝒊𝒐 𝑷𝒖𝒍𝒊𝒙𝒊  "𝑺𝒕𝒆𝒍𝒍𝒂 𝒅𝒊 𝒎𝒂𝒓𝒆". Presentat e mòderat s'addòbiu Gigi Patteri. Ant a intervènnere: Alessandra Contu pro sa Fundatzione Farris-Tedde, Simonetta Bellu pro sa Biblioteca de Thiniscole e Giuseppe Dalu pro “Dialoghi con l’Autore” Ant a faeddare cun s'Autore Pasqualina Cara, Anna Maria Crasta, Roberta Olla, Amos Pani, Serena Pipere, Mara Spanu, Eleonora Vulpes. Leturas de su testu a incuru de Samantha Brau, Tiziana Patteri e Mauro Piredda. Intramesos musicales de Luciano Sezzi e Andrea Fenu

  Sant’Antoni de su fogu. Est a nàrrere sa prima festa comunitària de cada annu nou chi ruet fatu-fatu a sa lòmpida de sos Tres Res e chi antìtzipat sos tempos de carrasegare e de sa carèsima. Nuscos, sabores e colores inchesos caraterizant sas dies de sas biddas chi repitint su rituale de màdrighe pagana e agrària movende dae su fogu, elementu de nàschida a nou de sa vida. In custu biàgiu curtzu in sas noe biddas de s’Unione de sos Comunes de su Monte Arvu amus a collire su chi b’at a cumone e carchi diferèntzia proende a dare una visione coerente de custas manifestatziones chi a bortas sunt semper che pare e a borta mudant in pare cun su tempus.  1) Bitzi  In Bitzi faghent duos fogos. Unu in pratza ‘e Marcatu e unu in su bighinadu de Goreai. Sas suas entidades, mancari parte de su matessi Comune, est comente chi tèngiant una dimensione pròpia a su puntu de intèndere gente narende de andare «a Bitzi», dae Goreai, o a s’imbesse. Semper e cando sa domìniga in antis dae bidda nche tzucan

Conca a Sant’Antoni de su fogu, cun su ‘Olone de su sero de sa vìgilia, sos thiniscolesos si sunt preparende. Custa domìniga sos carros nch’ant a giùghere sas frascas a pratza de Sant’Antoni pro chi su 16 si potzant allùghere in onore de su santu chi at furadu su fogu a s’inferru pro caentare sa terra. Apuntamentu de non pèrdere, su de su Ramasinu, cun intregu de binu e de pistiddu.

  Su 6 de ghennàrgiu, in pratza de Rockefeller su Comunu de Pasada cun sa collaboratzione de sa Pro Loco, est organizende “ Aspettando la Befana” una die de ispàssiu e alligria pro sos pitzinnos. B'ant a èssere giogos, roba de mandigare e fintzas sa befana chi at a dare una mìgia a totus sos pitzinnos. In casu de tempus malu s'eventu s'at a fàghere in s’Auditorium Comunale in via Mereu.