Novas, contos e cuentos

Semus galu definende sas datas de sos cursos de limba sarda in programma pro custa annualidade in pessu comintzada .  Ma, sende chi b’amus giai unas cantas manifestatziones de interessu dae parte de tzitadinas e tzidadinos de su territòriu, annuntziamus pro como  chi sas atividades didàticas ant a comintzare sa segunda metade de ghennàrgiu de su 2025 .  Su mese ch’intrat amus a publicare s’avisu cun sas datas definitivas e amus tando a collire sas iscritziones.  In su mentres, pro cale si siat dimanda, ammentamus chi sos operadores de s’Ufìtziu de sa limba sarda de s’Unione de sos Comunes sunt a disponimentu dae su lunis a sa giòbia dae sas 9 a sas 10.30 ✅ in presèntzia in sos locales de s’Unione (carrera de Isalle, intrende dae sa de Flumendosa, zona Dicat) in Thiniscole ✅ via mail iscriende a s’indiritzu cultura.unionemontalbo@gmail.com   ✅ e telefonende a su 0784878648 (internu 5) Sos cursos sunt ambos duos a s'indonu, gratùitos.

  Eris sos pitzinnos de s'iscola segundària de s'Istitutu cumprensivu de Lodè, acumpangiados dae su personale de su CEAS Montalbo de Lodè, ant leadu parte a sa Festa de s'Àrbore in s'istatzione de Forestas in Sant'Anna de Lodè. S'atzione est parte de su Progetu Silvanus, unu progetu internatzionale, finantziadu dae sa Cummissione Europea in intro de su Programa Horizon 2020. Partner de importu sunt su Parcu de Tepilora, Agentzia Forestas, su CFVA, sa Protetzione Tzivile Regionale, sos Comunes de Lodè, Torpè, Bitzi e Pasada e sos bator CEAS. Su personale de Forestas at ispricadu a sos partetzipantes su ruolu e sas fainas issoro   in sa gherra contra a sos fogos, ispieghende ∙ lis comente di depet intervènnere cando b’at fogu e ammustrende ∙ lis sos dispositivos de protetzione individuale (DPI) a disponimentu de su personale. Sos pitzinnos, pro concruire sa mangianada, ant posca prantadu fundos tìpicos de sa macra mediterrànea. In su comunicadu de su CEAS ...

Novas dae su Comunu de Thiniscole in contu de Barratzellos. In su situ istitutzionale de s’ente ant publicadu unu bandu de seletzione pro sa formatzione de una graduatòria (cun valididade de un’annu) pro s’arruolamentu de voluntàrios. In cue etotu bi sunt s’avisu e su mòdulu de domanda. Custu cheret compiladu e imbiadu a su Protocollu de su Comune intro de mesudie de su 20 de su mese ch’intrat. Totu sas informatziones nche sunt in sa pàgina https://www.comune.siniscola.nu.it/ente/albo/37262 .  immàgine: https://it.wikipedia.org/wiki/Compagnia_barracellare#/media/File:Milizie_Barracellari_del_Regno_di_Sardegna.jpg

deretos immàgine Oe, su 25 de santandria , est sa Die internatzionale pro s’eliminatzione de sa violèntzia contra a sas fèminas . Custa ricurrèntzia la connoschimus dae su 1999 , cando s’ assemblea generale des Natziones unidas l’istitueit . Ma custa ricurrèntzia, dae ue movet? Su 1960 , cun òrdine de su ditadore anticomunista dominicanu Rafael Trujillo , sa politzia segreta ochiet a tres sorres : Patria , Minerva e Maria Teresa Mirabal , mègius connotas comente “Las mariposas” . Su babbu issoro fiat unu propietàriu terreri, duncas sa de sos Mirabal fiat una famìlia bene posta e bene piatzada in sa sotziedade de tando. Patria nascheit su 1924, Minerva duos annos a pustis e Maria Teresa su 36. Trujillo fiat a caddu dae su 1930 inaugurende unu regime opressivu e totalitàriu. Regime chi issas ant comintzadu a cundennare a pustis de s’ iscoberta de sa morte procurada a su babbu de una cumpàngia issoro de ideas non cunformes a su guvernu . Ma su momentu reale de comintzu de cuntierra intr...

  Su 13 de custu mese sa Regione, cun sa determinatzione 938, at aprovadu sa graduatòria ùnica pro sa Sardigna pro su chi pertocat sa Bursa de istùdiu natzionale in favore de sos istudiantes de sas iscolas segundàrias de segundu gradu. Sa graduatòria l’ant istèrrida cunforma a s’Isee e cada bursa tenet valore de 200 èuros. Cunforma a su dinare postu a disponimentu dae su ministeru de s’Istrutzione (1.277.613,28 èuros), su nùmeru de bursas atribuidas est de 6mìgia e 388. Pro su pagamentu tocat de isetare sa comunicatzione dae parte de su ministeru, sa cunsigna de sa Carta Postepay Borsa di Studio dae parte de cale si siat isportellu postale. A sos chi fiant giai benefitziàrios de sa bursa sos annos iscolàsticos 2021/2022 e/o 2022/2023, bi l’ant a acreditare in sa Postepay "Borsa di Studio" chi giai possedent, sena pro custu nche dèvere andare a sas postas. Pro sos benefitziàrios noos su tèrmine de impreu de sa bursa est de 15 meses dae cando las ant erogadas. Informatziones pr...

deretos immàgine Pexels Giòbia su 21 de santandria, dae sas 8 de mangianu finas a sas 4 de merie, non bi dêt àere abba in sas utèntzias de sas carreras inditadas in s’avisu emìtidu dae Abbanoa duas dies in antis (su 19).  Custas sas carreras mentovadas: Conteddu, Filzi, Donizetti, Regina Margherita, Porrino, Satta, Leoncavallo (interessende fintzas s’asilu Vivaldi), Puccini, Bellini, Nuoro, De Gasperi, Barbagia, Gallura, Goceano, Anglona, Meilogu, Sarrabus, Trexenta, Marghine, Manca, Giotto, Fermi, Tiziano, Michelangelo, Sardegna (e a inghìriu), Pascoli, Campidano, Roma (finas a sa rugrada cun sa de Sassari). Abba serrada finamentas in pratza de Aldo Moro e in totu sa zona de su Ponte de Ferru e de Lupareddu (interessende fintzas s’istitutu Pira).  Su motivu de custa serrada pertocat sos traballos de distretualizatzione de sa rete ìdrica in intro de sas atividades prevìdidas dae su Pnrr. A su chi si leghet in su comunicadu publicadu in su situ istitutzionale de su Comunu de Th...

Dae oe, su 18 de santandria (e finas a su 31 de santugaine de annoas), est torra abertu s’Ufìtziu de sa limba sarda de s’Unione de sos Comunes de su Monte Arvu (Thiniscole, Pasada, Torpè, Lodè, Bitzi, Lùvula, Onanie, Orune e Osidde). S’Ufìtziu est parte de su programma “TuLiS” (Tutela lingue Sarde) cunforma a sas leges 482/1999 (istatale) e 22/2018 (regionale) - annualidade 2024. Sos operadores sunt a disponimentu dae su lunis a sa giòbia dae sas 9 a sas 13.30 ✅ in presèntzia in sos locales de s’Unione (carrera de Isalle, intrende dae sa de Flumendosa, zona Dicat) in Thiniscole ✅ via mail iscriende a s’indiritzu cultura.unionemontalbo@gmail.com   ✅ e telefonende a su 0784878648 (internu 5) De importu mannu! Luegoant a comintzare finamentas sos cursos de limba sarda, a s’indonu e pro chie si siat. Gràtzias pro s’atentzione e pro sa difusione de custu annùntziu a sos cuntatos tuos

  Su 4 de Santandria, in Lodè,  b'at a àere una serada pro ammentare sos mortos in gherra. At a cumintzare a sas 16:30 cun sa Missa Santa; sa tzerimònia at a sighire cun su positzionamentu e beneditzione de sa corona de laru in su Monumèntu dedicadu a sos mortos in gherra.

  Su 4 de Santandria, in Lùvula,  b'at a àere una mangianada pro ammentare sos mortos in gherra. At a cumintzare a sas 10:00 cun sa partèntzia dae su Casegiatu Iscolàsticu e arrivu a campusantu in ue b’at a èssere sa Missa Santa. A sas 11.00 ammentu de sos mortos in gherra a incuru de sos istudiantes de s'Istitutu cumprensivu de Lùvula-Onanie, in collaboratzione cun sa biblioteca de Lùvula.