Thiniscole, duas dies pro sas dunas. Una mustra, laboratòrios e atividades
Sàbadu su 29 e domìniga su 30, in sa Domo de su Parcu de carrera de Piemonte, sas dunas nostras sunt sas protagonistas de una mustra, de unu laboratòriu de tzitadinàntzia ativa e de unas cantas atividades pro pitzinnos e pitzocos.
S’espositzione fotogràfica est in allestimentu in sos aposentos de sa domo, e b’at galu tempus pro chi siant sos tzitadinos etotu a bi contribuire cun immàgines tiradas in sas prajas locales cun sas màchinas issoro. Difatis is organizadores ant seberadu de pònnere in parte da gente de su logu comente testimòngios de sos tretos dae ue custas dunas brotant. Parte manna de sas fotografias l’ant giai posta a disponimentu is de s’assòtziu Siniscola domani, chi collàborant a s’eventu.
Custu su resurtu de sa faina: totu cantas sas immàgines las ant a projetare in formadu digitale pro mèdiu de un’ischermu; sas mègius las ant imbetzes a imprentare pro las pònnere in sos muros internos de s’edifìtziu, in ue bi nd’istant unas chentu. S’intrada est gratùita, cun is pitzinnos de sas iscolas chi l’ant a pòdere visitare su sàbadu dae sas 9.30 a mesudie e mesu.
Su laboratòriu dedicadu a sa tzitadinàntzia intrea (in programma pro sas 19 de su 29) movet imbetzes dae una gigantografia de sas dunas de Capu Cuminu: is partetzipantes, cun sos post.it issoro, podent contribuire a s’allega de amparu inditende sos problemas e, a costàgiu, sas solutziones possìbile.
«A concruos de totu – acrarint sas operadoras de su Ceas – ponimus totu paris elaborende sas prus propostas possìbiles chirchende de las pònnere in pràtica pro su benidore de su sistema dunale».
In programma fintzas laboratòrios narrativos e de tzeràmica pro pitzinnos. S’eventu, pro more de sos percursos Pcto, lu sunt faghende fintzas cun s’agiudu de is istudiantes de sas de tres classes de su litzeu thiniscolesu “Michelangelo Pira”. Totu cantu nch’est in intro de su progetu “Le dune di Capo Comino – Riserva di Biosfera” aprontadu cun finantziamentu regionale apòsitu.
.jpg)
