Boghes in sa Foghe. In Santu Giuanne de Pasada sa Die internatzionale de sa Poesia

 

Su 21 de martzu est sa Die internatzionale de sa Poesia.

Su grupu Pinna e Tinteri, in pare cun s’Ufìtziu de sa limba sarda de su Montearvu, est organizende una serana literària de poesias a boghe arta. Sende chi s'incras est sa Die internatzionale de s'Abba, su tema est pròpiu s'abba. 

S’abba est la linfa de sa terra. Sa poesia est su respiru de s’ànima. Ambas current sena làcanas, ambas faeddant totu sas limbas, ambas apartenent a cada pòpulu. 

S'apuntamentu est pro sàbadu su 21 de martzu a sas 17 in Santu Giuanne de Pasada (in su Ceas afaca a sa foghe).

Chie cheret podet dare s’adesione sua (intro e non prus a tardu de su 15) pro mèdiu de custu mòdulu inditende nùmene, sambenadu, nùmeru whatsapp, modalidade de partetzipatzione e, si benit a lèghere, tìtulu de sa poesia (sua o de àtere). 

S'eventu est abertu a totu sas persones de cada natzionalidade. E sas poesias podent èssere in sardu o in cale si siat àtera limba (podimus projetare sa versione traduida in sa lavagna interativa).

Màssimu 20 iscritziones (dae inoghe https://forms.gle/gKuHJkEJi5m5tWo5A)

S’Ufìtziu de sa limba sarda abarrat a disponimentu via mail (cultura.unionemontalbo@gmail.com), telefonende a su 0784 878648 (internu 5) e in presèntzia (dae su lunis a sa chenàbura a banda de mangianu) in s'Unione de sos Comunes de su Monte Arvu - carrera de Frumendosa) pro cale si siat consulèntzia linguìstica e mètrica. E finas, s'in casu, pro isseberare paris sa poesia.