Su carrasecare luvulesu

 

Lùvula (NU) est pronta a acollire totu sos visitadores chi ant a chèrrere connòschere e mirare su Carrasecare Luvulesu, chenàbura su 28 de freàrgiu e sàbadu prima die de martzu 2025. Custu eventu ùnicu dat manera de intrare in sas antigas traditziones sardas e de bìvere sa rapresentatzione de sa caratza de "Su Batileddu".

Custa màscara est sa figura tzentrale de su Carrasecare de Lùvula, sìmbulu de antigos ritos propitziatòrios ligados a sa fertilidade de sa terra. Sa caratza rapresentat sa vìtima de unu sacrifìtziu, bestida cun peddes de berbeghe, sa cara inniedada de fumàdigu ammisturada a sàmbene e unu cugutu cun corros de cabra, baca o cherbu. In frau de s'isfilada, àteros pessonàgios ponet fatu a "Su Batileddu", caratzas che a sas "Gatias", òmines bestidos de gatias chi atitant sos mortos, e sos "Massajos", chi impersonant sos guardianos de su bestiàmene e giughent sa vìtima peri sas carreras de sa bidda. Custa rapresentatzione torrat a bogare a campu antigos ritos agràrios, cun unu sacrifìtziu simbòlicu chi punnaiat a garantire sa fertilidade de sos campos pro more de s'isperdìtziu rituale de su sàmbene ghetadu a terra. 

Su programa de su Carrasecare Luvulesu 2025 comintzat  su 28 de frèargiu cun una mustra fotogràfica e sa proietzione de unu vìdeu. S'isfilada printzipale at a èssere imbetzes sàbadu 1 martzu, comintzende a sas tres de borta de die cun sa vestitzione de sa màscara. Sos visitadores ant a èssere parte de custa manifestatzione rica de istòria e significadu culturale, bivende un'esperièntzia forsis ùnica in totu sa Sardigna.