Agiudu pros sos billetes de sos parchègios in sos litorales de sos Comunos de Pasada e Thiniscole

 

Si dat a ischire chi, fintzas pro s'istiu 2024, b’at a èssere un’agiudu pro sos

tzitadinos residentes in sos Comunos de s'Unione de su "billete parchègios" in sos litorales de sos Comunos de Pasada e Thiniscole.

In su Comunu de Thiniscole, francu in  sa marina de Berchida, pro sos tzitadinos

residentes in sos Comunos de Bitzi, Lodè, Lùvula, Onanie, Orune, Osidde, Pasada e Torpè sas tarifas ant a èssere:


· Tarifa mesa die (8-14)-(14-20)- € 2,00

· Tarifa Die intrea: € 3,00

Sos pass dados sos annos colados non sunt bàlidos.

Su nou at a èssere dadu in s'oru de su litorale dae sa dita OIKOS SERVÌTZIOS SRL –

tel.3714561043 siniscolapark.oikos@gmail.com  e mustrende su libritu de tzirculatzione e su documentu de identidade de su chi tenet deretu.

Post popolari in questo blog

Pasada - Ballos de Mes' Austu

Immagine
  Su 23 de austu b’at a èssere un'eventu chi tzèlebrat sa richesa de sas traditziones in s'ammajadore burgu de Pasada. Sa segunda editzione sua acasàgiat grupos minifolk bènnidos dae totu s'ìsula. Sa serada at a pigare vida cun un'isfilada in su tzentru istòricu, ue sos grupos ant a pònnere in mustra s'autentitzidade e sos colores de sos ballos traditzionales. A su tèrmine de s'isfilada, sos grupos ant a ballare in Pratza Belvedere, oferende un'ispetàculu de mùsica e ballu, unu donu a sa cultura e a sas raighinas de sa Sardigna. Sos grupos ant a èssere: Grupu Minifolk Pro Loco de Pasada Grupu Minifolk Oleri de Ovodda Grupu Minifolk San Larentu de Budoni Grupu Minifolk Sant'Antoni de Pàdua Lodè Grupu Minifolk Graziano Picoi de Buddusò Grupu Minifolk N. S. de Castro de Oschiri. Sa serada at a èssere presentada dae Francesco Spanu
Sighi a lèghere

Cursu de Limba Sarda in Thiniscole

Immagine
  S’Ufìtziu linguìsticu de su Monte Arvu organizat in Thiniscole, in sa Sala Consiliare de s’Unione, Carrera de Isalle, unu cursu de Limba Sarda. Dae su 8 de maju a su 10 de trìulas, cada mèrcuris a sas  chimbe de sero, b’ant a èssere deghe addòbbios cun proa finale in contu de fonologia, morfologia, sintassi e istòria de sa limba nostra. Su maistru at a èssere s’operadore de isportellu Mauro Piredda, espertu de limba sarda, giornalista e tradutore Pro si marcare tocat a imbiare una mail a cultura.unionemontalbo@gmail.com inditende: nùmene, sambenadu e nùmeru de telefoneddu pro sos cuntatos de grupu; Pro cada informatzione podes telefonare a su 0784 878648 internu 5, dae sas 8.30 a sas 13 onni die francu su sàbadu.
Sighi a lèghere