Lùvula - Tzentru istiale


S'Amministratzione comunale oferit a sos pitzinnos dae sos 6 a sos 14 annos, residentes in Lùvula, sa possibilidade de partetzipare a su Tzentru Istiale 2024! Bos isetant

 giogos, laboratòrios, essidas, isport e ….  divertimentu meda !!!


Su mòdulu de iscritzione est disponìbile in sos locales comunales e in particulare in s'Ufìtziu Protocollu de su Comunu de Lùvula. Bos ammentamus chi sos postos sunt limitados!


Su tzentru istiale s'at a acumprire in sa Palestra Comunale e in sos ispàtzios esternos ; dae su 3 de trìulas a su 8 de austu; dae su lunis a sa giòvia dae sas 9:00 a sas 13:00.

Su costu pro sa cuota de iscritzione est de € 50,00

B’ant a èssere duas dies de mare e at a èssere rechestu un’annanta pro su trasportu, de integrare, in su casu de adesione, a banda dae sos mazores, sa die matessi de s’essida.

Sa dimanda at a dèvere èssere cunsignada a s'Ufìtziu protocollu intro  de su 21/06/2024 a 12.00.


BOS ISETAMUS IN TANTOS PRO NOS ISPASSIARE PARIS!!

 


Post popolari in questo blog

Pasada - Ballos de Mes' Austu

Immagine
  Su 23 de austu b’at a èssere un'eventu chi tzèlebrat sa richesa de sas traditziones in s'ammajadore burgu de Pasada. Sa segunda editzione sua acasàgiat grupos minifolk bènnidos dae totu s'ìsula. Sa serada at a pigare vida cun un'isfilada in su tzentru istòricu, ue sos grupos ant a pònnere in mustra s'autentitzidade e sos colores de sos ballos traditzionales. A su tèrmine de s'isfilada, sos grupos ant a ballare in Pratza Belvedere, oferende un'ispetàculu de mùsica e ballu, unu donu a sa cultura e a sas raighinas de sa Sardigna. Sos grupos ant a èssere: Grupu Minifolk Pro Loco de Pasada Grupu Minifolk Oleri de Ovodda Grupu Minifolk San Larentu de Budoni Grupu Minifolk Sant'Antoni de Pàdua Lodè Grupu Minifolk Graziano Picoi de Buddusò Grupu Minifolk N. S. de Castro de Oschiri. Sa serada at a èssere presentada dae Francesco Spanu
Sighi a lèghere

Cursu de Limba Sarda in Thiniscole

Immagine
  S’Ufìtziu linguìsticu de su Monte Arvu organizat in Thiniscole, in sa Sala Consiliare de s’Unione, Carrera de Isalle, unu cursu de Limba Sarda. Dae su 8 de maju a su 10 de trìulas, cada mèrcuris a sas  chimbe de sero, b’ant a èssere deghe addòbbios cun proa finale in contu de fonologia, morfologia, sintassi e istòria de sa limba nostra. Su maistru at a èssere s’operadore de isportellu Mauro Piredda, espertu de limba sarda, giornalista e tradutore Pro si marcare tocat a imbiare una mail a cultura.unionemontalbo@gmail.com inditende: nùmene, sambenadu e nùmeru de telefoneddu pro sos cuntatos de grupu; Pro cada informatzione podes telefonare a su 0784 878648 internu 5, dae sas 8.30 a sas 13 onni die francu su sàbadu.
Sighi a lèghere