Iscola MeA iscritziones galu abertas

 


Cheres imparare a sonare un'istrumentu nou o perfetzionare su chi giai sonas? Mancant ancora pagas dies pro sa serrada de sas iscritziones a sos cursos 2024-2025 de sa Mea Iscola Tzìvica de Mùsica intercumonale de Thiniscole, Bitzi, Lodè, Lùvula, Onanie, Orune, Osidde, Pasada e Torpè. S'ant a pòdere fàghere: Letziones individuales e colletivas; laboratòrios intensivos; Sèberu Plus pro sas letziones de durada dòpia e Bursa de istùdiu annuale oferta dae s'Assòtziu Musicale de Nùgoro.

Sos cursos ativos ant a èssere: pianoforte, chiterra, violinu, flàutu, clarinetu, càntigu lìricu, sassòfonu, bateria, trumba, càntigu, pianu e tastieras modernas, chiterra moderna, bassu, mùsicas e tecnologias noas, sonete, càntigu corale, càntigu litùrgicu, mùsica de insieme, propedèutica musicale, percussiones e drum-circle. 

Pro cale si siat informatzione iscrìere a sa mail: segreteria@scuolacivicamea.it o mutire a su 3737273191

Post popolari in questo blog

Pasada - Ballos de Mes' Austu

Immagine
  Su 23 de austu b’at a èssere un'eventu chi tzèlebrat sa richesa de sas traditziones in s'ammajadore burgu de Pasada. Sa segunda editzione sua acasàgiat grupos minifolk bènnidos dae totu s'ìsula. Sa serada at a pigare vida cun un'isfilada in su tzentru istòricu, ue sos grupos ant a pònnere in mustra s'autentitzidade e sos colores de sos ballos traditzionales. A su tèrmine de s'isfilada, sos grupos ant a ballare in Pratza Belvedere, oferende un'ispetàculu de mùsica e ballu, unu donu a sa cultura e a sas raighinas de sa Sardigna. Sos grupos ant a èssere: Grupu Minifolk Pro Loco de Pasada Grupu Minifolk Oleri de Ovodda Grupu Minifolk San Larentu de Budoni Grupu Minifolk Sant'Antoni de Pàdua Lodè Grupu Minifolk Graziano Picoi de Buddusò Grupu Minifolk N. S. de Castro de Oschiri. Sa serada at a èssere presentada dae Francesco Spanu
Sighi a lèghere

Cursu de Limba Sarda in Thiniscole

Immagine
  S’Ufìtziu linguìsticu de su Monte Arvu organizat in Thiniscole, in sa Sala Consiliare de s’Unione, Carrera de Isalle, unu cursu de Limba Sarda. Dae su 8 de maju a su 10 de trìulas, cada mèrcuris a sas  chimbe de sero, b’ant a èssere deghe addòbbios cun proa finale in contu de fonologia, morfologia, sintassi e istòria de sa limba nostra. Su maistru at a èssere s’operadore de isportellu Mauro Piredda, espertu de limba sarda, giornalista e tradutore Pro si marcare tocat a imbiare una mail a cultura.unionemontalbo@gmail.com inditende: nùmene, sambenadu e nùmeru de telefoneddu pro sos cuntatos de grupu; Pro cada informatzione podes telefonare a su 0784 878648 internu 5, dae sas 8.30 a sas 13 onni die francu su sàbadu.
Sighi a lèghere