Thiniscole - Iscobertu unu nidu de Caretta Caretta

 


In sa marina de Capo Comino  est istadu iscobertu unu nidu de Caretta Caretta, gràtzias a su seju de una còpia de turistas.

Sa depositzione de sos oos, sa prima averguada in manera ufitziale in sos 22 km de litorale de su Comunu de sa Baronia est acontèssida in sa note intre domìniga 4 austu e lunis 5 austu. In su logu sunt arribbados deretu sos òmines de sa guàrdia costiera e sos agentes de sa base navale de su Corpu Forestale Regionale chi ant deretu postu in seguridade s'àrea in isetu de s'arribu de sos biòlogos de s'àrea marina amparada de Tavolara Capo Coda Cavallo chi s'òcupant de sa cunservatzione de sa fàuna marina.S’iscoberta est istada cunfirmada dae s'interventu de Kira, unu cane moleculare ispetzializadu in sa rilevada de nios de testuine marina. A pustis de àere fatu sos atzertamentos prevìdidos, s'àrea est istada acresurada pro evitare su cola-cola de turistas o s'arribu de predatores. Sa zona como at a èssere compidada de continu finas a s’aberta de sos oos dae agentes de sa forestale e de sos barratzellos postos a disponimentu dae su sìndigu de Thiniscole.

Post popolari in questo blog

Pasada - Ballos de Mes' Austu

Immagine
  Su 23 de austu b’at a èssere un'eventu chi tzèlebrat sa richesa de sas traditziones in s'ammajadore burgu de Pasada. Sa segunda editzione sua acasàgiat grupos minifolk bènnidos dae totu s'ìsula. Sa serada at a pigare vida cun un'isfilada in su tzentru istòricu, ue sos grupos ant a pònnere in mustra s'autentitzidade e sos colores de sos ballos traditzionales. A su tèrmine de s'isfilada, sos grupos ant a ballare in Pratza Belvedere, oferende un'ispetàculu de mùsica e ballu, unu donu a sa cultura e a sas raighinas de sa Sardigna. Sos grupos ant a èssere: Grupu Minifolk Pro Loco de Pasada Grupu Minifolk Oleri de Ovodda Grupu Minifolk San Larentu de Budoni Grupu Minifolk Sant'Antoni de Pàdua Lodè Grupu Minifolk Graziano Picoi de Buddusò Grupu Minifolk N. S. de Castro de Oschiri. Sa serada at a èssere presentada dae Francesco Spanu
Sighi a lèghere

Cursu de Limba Sarda in Thiniscole

Immagine
  S’Ufìtziu linguìsticu de su Monte Arvu organizat in Thiniscole, in sa Sala Consiliare de s’Unione, Carrera de Isalle, unu cursu de Limba Sarda. Dae su 8 de maju a su 10 de trìulas, cada mèrcuris a sas  chimbe de sero, b’ant a èssere deghe addòbbios cun proa finale in contu de fonologia, morfologia, sintassi e istòria de sa limba nostra. Su maistru at a èssere s’operadore de isportellu Mauro Piredda, espertu de limba sarda, giornalista e tradutore Pro si marcare tocat a imbiare una mail a cultura.unionemontalbo@gmail.com inditende: nùmene, sambenadu e nùmeru de telefoneddu pro sos cuntatos de grupu; Pro cada informatzione podes telefonare a su 0784 878648 internu 5, dae sas 8.30 a sas 13 onni die francu su sàbadu.
Sighi a lèghere