"Nuovi suoni", essidu su primu discu de sa collana discogràfica de s'iscola MeA


In prus de s'annùntziu de unos cantos cursos noos (càntigu lìricu, clarinetu, flàutu, teoria musicale, trumba e percussiones/drum circle), s’Iscola tzìvica de mùsica Mea (Thiniscole Comune cabu de filera) dat a ischire de sa essida de sa collana discogràfica intitulada Nuovi Suoni cherta dae su diretore de s’iscola, su musitzista nugoresu Cristiano Porqueddu. “Nuovi Suoni Vol.1” est su tìtulu de su primu Cd, pro como petzi in streaming. «Est sa prima produtzione discogràfica professionale – narat Porqueddu – cuidada dae un’Iscola tzìvica de sa Sardigna». Sa collana naschet cun s’agiudu de Musicare, DOC Educational e Regione sarda. Sa classe de dischentes presentes in su discu (s'elencu de sos partetzipantes in s'immàgine) l’at contivigiada du musitzista Maurizio Pulina. In su mese de nadale su cd fìsicu.

Post popolari in questo blog

Pasada - Ballos de Mes' Austu

Immagine
  Su 23 de austu b’at a èssere un'eventu chi tzèlebrat sa richesa de sas traditziones in s'ammajadore burgu de Pasada. Sa segunda editzione sua acasàgiat grupos minifolk bènnidos dae totu s'ìsula. Sa serada at a pigare vida cun un'isfilada in su tzentru istòricu, ue sos grupos ant a pònnere in mustra s'autentitzidade e sos colores de sos ballos traditzionales. A su tèrmine de s'isfilada, sos grupos ant a ballare in Pratza Belvedere, oferende un'ispetàculu de mùsica e ballu, unu donu a sa cultura e a sas raighinas de sa Sardigna. Sos grupos ant a èssere: Grupu Minifolk Pro Loco de Pasada Grupu Minifolk Oleri de Ovodda Grupu Minifolk San Larentu de Budoni Grupu Minifolk Sant'Antoni de Pàdua Lodè Grupu Minifolk Graziano Picoi de Buddusò Grupu Minifolk N. S. de Castro de Oschiri. Sa serada at a èssere presentada dae Francesco Spanu
Sighi a lèghere

Cursu de Limba Sarda in Thiniscole

Immagine
  S’Ufìtziu linguìsticu de su Monte Arvu organizat in Thiniscole, in sa Sala Consiliare de s’Unione, Carrera de Isalle, unu cursu de Limba Sarda. Dae su 8 de maju a su 10 de trìulas, cada mèrcuris a sas  chimbe de sero, b’ant a èssere deghe addòbbios cun proa finale in contu de fonologia, morfologia, sintassi e istòria de sa limba nostra. Su maistru at a èssere s’operadore de isportellu Mauro Piredda, espertu de limba sarda, giornalista e tradutore Pro si marcare tocat a imbiare una mail a cultura.unionemontalbo@gmail.com inditende: nùmene, sambenadu e nùmeru de telefoneddu pro sos cuntatos de grupu; Pro cada informatzione podes telefonare a su 0784 878648 internu 5, dae sas 8.30 a sas 13 onni die francu su sàbadu.
Sighi a lèghere