Pasada - Gara de pisca a su francudu biaitu

 


S'assòtziu “Pescatori dilettantistica Posada” , gràtzias a su contributu de su Parcu de Tepilora, ant organizadu pro su 15 de cabudanni sa segunda editzione de sa manifestatzione “Gara di pesca al granchio blu in difesa degli ecosistemi del parco Tepilora”. Sa manifestatzione s'at a partzire in tres partes; in sa prima parte, chi at a comintzare a sas 16:00, b'ant a èssere sos saludos, sa presentada de s'eventu e s'at a discutire de temas che a sa pisca sustenìbile e che a sa defensa de sos ecosistemas de genias alienas ficchidas che a su francudu biaitu. 

In sa segunda parte, chi at a comintzare a sas 17:00, b'at a èssere sa gara de pisca isportiva a su francudu biaitu, sa pesadura de su piscadu e in fines sa premiatzione de sos binchidores.

Sa de tres partes at a èssere sa chena a base de francudu biaitu chi at a comintzare a sas 20:00.

Post popolari in questo blog

Pasada - Ballos de Mes' Austu

Immagine
  Su 23 de austu b’at a èssere un'eventu chi tzèlebrat sa richesa de sas traditziones in s'ammajadore burgu de Pasada. Sa segunda editzione sua acasàgiat grupos minifolk bènnidos dae totu s'ìsula. Sa serada at a pigare vida cun un'isfilada in su tzentru istòricu, ue sos grupos ant a pònnere in mustra s'autentitzidade e sos colores de sos ballos traditzionales. A su tèrmine de s'isfilada, sos grupos ant a ballare in Pratza Belvedere, oferende un'ispetàculu de mùsica e ballu, unu donu a sa cultura e a sas raighinas de sa Sardigna. Sos grupos ant a èssere: Grupu Minifolk Pro Loco de Pasada Grupu Minifolk Oleri de Ovodda Grupu Minifolk San Larentu de Budoni Grupu Minifolk Sant'Antoni de Pàdua Lodè Grupu Minifolk Graziano Picoi de Buddusò Grupu Minifolk N. S. de Castro de Oschiri. Sa serada at a èssere presentada dae Francesco Spanu
Sighi a lèghere

Cursu de Limba Sarda in Thiniscole

Immagine
  S’Ufìtziu linguìsticu de su Monte Arvu organizat in Thiniscole, in sa Sala Consiliare de s’Unione, Carrera de Isalle, unu cursu de Limba Sarda. Dae su 8 de maju a su 10 de trìulas, cada mèrcuris a sas  chimbe de sero, b’ant a èssere deghe addòbbios cun proa finale in contu de fonologia, morfologia, sintassi e istòria de sa limba nostra. Su maistru at a èssere s’operadore de isportellu Mauro Piredda, espertu de limba sarda, giornalista e tradutore Pro si marcare tocat a imbiare una mail a cultura.unionemontalbo@gmail.com inditende: nùmene, sambenadu e nùmeru de telefoneddu pro sos cuntatos de grupu; Pro cada informatzione podes telefonare a su 0784 878648 internu 5, dae sas 8.30 a sas 13 onni die francu su sàbadu.
Sighi a lèghere