Thiniscole - Festival A-mare

 



Chenàbura 6 de Cabudanni

DAE BIVU/Marina de sas barcas e in sos caminos de su bidditzolu


A sas 18 – Inauguratzione de su fèstival cun Càntigos populares sardos a incuru de s'Assòtziu culturale Santu Luchia de Thiniscole


FUN/Pratza de sa Turre


A sas 19 – Aperitivu cun presentada de su programa


FILM/Pratza de sa Turre


A sas 21:30 – Projetzione de su documentàriu “Watermark, l’acqua è il bene più prezioso”; dae sos registas de Antropocene, un'istraordinàriu documentàriu fotogràficu subra de su fundamentale rolu chi s'abba tenet in sa formatzione de sas populatziones de su mundu.


Sàpadu 7 de Cabudanni


LAB/Ceas Santa Luchia

Dae sas 9:30 a sas 11:30 – Cursu de tzeràmica cun sa ceramista Elena Catgiu; laboratòriu dedicadu a mannos e pipios e su tema at a èssere sa natura.


LAB/Bia Lungomare

dae sas 10 a sas 13 e dae sas 15 a sas 18 – Progetos de sustenibilidade ambientale a incuru de su Parcu Natzionale de s'Asinara e laboratòriu “In fondo al mar…” e de su Ceas.Inara e Crama Asinara. Su laboratòriu manuale “In fundo al mare...” at a prevedere sa realizatzione de “abitantes de su mare” cun materiale de riusu e fantasia meda.

 

ISPORT/Pineta de Santa Luchia, marina de sas barcas e marina manna

dae sas 10 a sas 19 – fainas isportivas a in logu aberta: Yoga, Pilates, Kite Surf e Sup, Fitness, Trekking, Qi-Gong, Mountain Bike, Diving, Yoga aèreu, Hata Yoga, Mini regata


ISPORT/Marina de sas barcas

A sas 16 – Mini regata de s'iscuadra agonìstica de sos pitzocos de su Tzìrculu Nauticu La Caletta ASD

LAB/Ceas Santa Luchia

dae sas 17 a sas 20 – Laboratòriu pro pipios: Ritziclu e riusu a incuru de Desacrè


AUDIO DOC/Puntu de regorta Pratza de sa Turre

A sas 18 – Audio documentàriu “Cicália”, sessione de ascurtu in passigiada sonora in Santa Luchia a incuru de Valeria Muledda


TALK/Pratza de sa Turre

A sas 19:30 – Santa Luchia Reserva de Biosfera. Reserva de Biosfera Tepilora, Rio Posada e Montalbo. A incuru  de su CEAS Santa Luchia. Mòderat Mauro Piredda. Pro cumprèndere ite cheret nàrrere èssere Reserva de Biosfera, comente  est nàschida sa nostra e cale sunt sos progetos chi bi sunt e sas atziones chi podimus printzipiare pro nde fàghere parte in modu ativu e abbistu non mancadas a s'addòbiu.


TALK/Pratza de sa Turre

A sas 20:30 – Presentada progetu “Sea Strong Life Asinara” a incuru de Ispra cun Francesca Centrella e Chiara Maggi. Mòderat Mauro Piredda

Post popolari in questo blog

Pasada - Ballos de Mes' Austu

Immagine
  Su 23 de austu b’at a èssere un'eventu chi tzèlebrat sa richesa de sas traditziones in s'ammajadore burgu de Pasada. Sa segunda editzione sua acasàgiat grupos minifolk bènnidos dae totu s'ìsula. Sa serada at a pigare vida cun un'isfilada in su tzentru istòricu, ue sos grupos ant a pònnere in mustra s'autentitzidade e sos colores de sos ballos traditzionales. A su tèrmine de s'isfilada, sos grupos ant a ballare in Pratza Belvedere, oferende un'ispetàculu de mùsica e ballu, unu donu a sa cultura e a sas raighinas de sa Sardigna. Sos grupos ant a èssere: Grupu Minifolk Pro Loco de Pasada Grupu Minifolk Oleri de Ovodda Grupu Minifolk San Larentu de Budoni Grupu Minifolk Sant'Antoni de Pàdua Lodè Grupu Minifolk Graziano Picoi de Buddusò Grupu Minifolk N. S. de Castro de Oschiri. Sa serada at a èssere presentada dae Francesco Spanu
Sighi a lèghere

Cursu de Limba Sarda in Thiniscole

Immagine
  S’Ufìtziu linguìsticu de su Monte Arvu organizat in Thiniscole, in sa Sala Consiliare de s’Unione, Carrera de Isalle, unu cursu de Limba Sarda. Dae su 8 de maju a su 10 de trìulas, cada mèrcuris a sas  chimbe de sero, b’ant a èssere deghe addòbbios cun proa finale in contu de fonologia, morfologia, sintassi e istòria de sa limba nostra. Su maistru at a èssere s’operadore de isportellu Mauro Piredda, espertu de limba sarda, giornalista e tradutore Pro si marcare tocat a imbiare una mail a cultura.unionemontalbo@gmail.com inditende: nùmene, sambenadu e nùmeru de telefoneddu pro sos cuntatos de grupu; Pro cada informatzione podes telefonare a su 0784 878648 internu 5, dae sas 8.30 a sas 13 onni die francu su sàbadu.
Sighi a lèghere