Thiniscole - Sagra de su pische in Santa Luchia
In Santa Luchia, su 7 e 8 de cabudanni b’at a èssere sa de bintiunu Sagras de su Pische de su bidditzolu de sos piscadores.
Sa Sagra de su Pische est unu progetu nàschidu e pessadu medas annos a como, unu disìgiu mai averguadu de una pessone chi non b’est prus chi teniat meda gana de fàghere festa in su bidditzolu de sos piscadores!
Unu progetu tropu bellu pro non lu pòdere realizare, gasi 20 annos a oe sa famìlia cun unu grupu de pessones, piscadores e no, autofinanziande-si, aiant ingendradu a sa Festa chi dae annos allegrit su bidditzolu de Santa Luchia.
Su 7 de cabudanni sa serada at a cumintzare a sas 18 cun sa chena de degustatzione de piscadu, paninos e patatinas cun acumpagnamentu musicale.
Su 8 de cabudanni, a sas 9 b'at a àere unu laboratòriu de pitura e ritziclu pro mannos e piticos pro sa realizatzione de su “giardinu de su bidditzolu” piturende pneumàticos; a sas 11 b'at a àere diversos torneos isportivos; a sas 12 frittura de pische e mùsica meda; a sas 17:30 at a sighire sa creatzione de su “giardinu de su bidditzolu” ponende prantàrgias; dae sas 18 chena, mùsica e tantu disaogu!!
