Cunferèntzia aberta de sa limba sarda - Meledos e arresonos pro istèrrere sa polìtica linguìstica benidora
Su 9 de su mese de Nadale dae sas 10.30 in
sa Sala Lilliu de sa Biblioteca regionale in s’Arburada de Trieste 137 in
Casteddu, b’at a èssere sa Cunferèntzia Aberta de sa limba sarda, de su
catalanu de s’Alighera, de su tataresu, de su gadduresu e e de su tabarchinu.
Ocannu su tema at a èssere su “Pianu nou
de Polìtica Linguìstica de 5 annos, 2025-2029”, pro dessinnare sas prioridades
e sas punnas generales, sos resurtados isbetados e sos elementos chi serbint
pro avalorare sa polìtica linguìstica regionale.
Sa Cunferèntzia Aberta, ghiada dae
s’Assessora de s’Istrutzione Pùblica, Benes Culturales, Informatzione,
Ispetàculu e Isport Ilaria Portas e coordinada dae su Cabu de Gabinetu Andrea Dettori, at a
èssere partzida in duas partes:
- a
mangianu, dae is 10.30, s’ant a acrarare sas fainas e sas atividades prus de
importu fatas cun su PPL betzu cun interventos a subra de s’iscola, sos
isportellos linguìsticos e sos mass media a incuru de su Servìtziu limba e
cultura sarda e subra sas certificatziones linguìsticas cun sos interventos de sos
referentes de sas duas Universidades sardas.
- a merie dae sas 15 s’ant a
iscumproare is resurtados de sa chirca sotziulinguìstica noa a pitzu de sa
pitzinnia sarda fata dae s’Universidade de Casteddu, de su ruolu de s’Isportellu
Linguìsticu Regionale e de su contributu de chie at a leare parte a sa dibata
de serrada.
Comente si faghet partetzipare? S’at a
pòdere leare parte in presèntzia o sighire sa Cunferèntzia Aberta online
culleghende·si dae custu link:
https://regsardegna.webex.com/weblink/register/rc395fabf5234c4d00985f68b24c22260
o sinono cun su QRcode chi s’agatat in sa
locandina acapiada.
Sos chi s’ant a registrare inditende sa
mail issoro ant a retzire a pustis unu mollu de cumpilare, partzidu in àreas
temàticas, in ue ant a pòdere pònnere sos contributos e inditos issoro.
SU
PROGRAMMA INTREU
MANGIANU 10.30
Ghiat sa setziada de sa Cunferèntzia s’Assessora de s'lstrutzione Pùblica, Benes Culturales, Informatzione, Ispetàculu
e Isport: Ilaria Portas
Coòrdinat sos traballos su Cabu de Gabinetu: Andrea Dettori Saludos istitutzionales
Su Pianu de Politica
Linguìstica 2020-2024 unu resumu
generale
de su coladu
• Una mirada subra su PPL- Michele Ladu, Ofitziu Linguìsticu Regionale
•
TuLiS (Tutela
Llengiies Sardes) - Giuliana Portas,
Ofici Lingüístic Regional
- Català de l'Alguer
• Sas limbas
de Sardigna in sas iscolas:
Ìnsulas e Frailes
- Elisabetta Lecca,
Ofìtziu Linguìsticu Regionale
• Imprentas -
Alessandro
Biolla, Ofìtziu Linguìsticu Regionale
•
Sa certificatzione de sas limbas
sardas - Cristiano
Becciu, Servìtziu Limba e Cultura sarda
•
Su curriculum de Limbas e Culturas de Sardigna
in s’Universidade de Tatari e su contestu linguìstìcu de su Nord
Sardigna - Prof. Dino Manca,
UNISS
•
Sa certificazione C1 de su Catalanu
de s’AIighera,
de su Gadduresu e de su Tataresu - Prof.
Simone Pisano, UNISS
•
Su progetu UNICA-RAS. Sa certificatzione de sa limba sarda
cunforma a su Cuadru Comunu de Riferimentu Europeu (QCER) - Prof.ra Immacolata Pinto; Prof.ra
Antonietta Marra; Prof.ra Giulia Murgia,
UNICA
MERIE 15.00
Su Pianu de Polìtica
Linguìstica 2025-2020: un'arresonu
subra su benidore
•
Sa Chirca Sotziulinguìstica, unos cantos
cunsideros subra sa pitzinnia sarda - Prof. Marco Pitzalis,
Prof. Simone Ciccolone, Dut.ra
Giuseppina Pani, UNICA
•
S'Ofìtziu Linguìsticu Regionale/ L'Ofici Linguifstic Regional - Català de l'Alguer
Michele Ladu/ Giuliana Portas
Dibata aberta
