Viniscola, su 31 de maju sa premiatzione de sas poesias de su XX cuncursu
Sàbadu su 31 de maju, in Thiniscole, b’est sa premiatzione de su de 20 cuncursos “Viniscola”, prèmiu literàriu organizadu dae sa setzione locale de su Rotary. Pro custa ocasione sa giuria (su presidente Melchiorre Calvisi, su segretàriu Antonio Canalis e sos cumponentes Santino Marteddu, Patrizio Sanna, Claudio Mele e Pietro Brundu) ant dèvidu seberare intre 55 cumponimentos lòmpidos intro de su 20 de abrile (comente naraiat su bandu). “A pustis de un’esame fundudu de sas òperas - leghimus in su verbale -, sa giuria, evidentziende su livellu artistìcu otimale de sos elaborados imbiados, at espressadu sa valutatzione sua sutaliniende sos valores istilìsticos de forma e de contenutu de cada sìngula poesia”. Custu su giudìtziu unànime:
‘Chin su coro suspesu’ de Giovanni Piga (Nùgoro);
‘Nuscu de la me’ tarra’ de Gianfranco Garrucciu (Tèmpiu);
‘Scaresci’ de Francesca Boi (Quartu Sant’Aleni).
Custas sas mentziones de onore
‘Pias cuadas’ de Gian Gavino Vasco (Bortigale);
‘Istella ‘e chenadorzu’ de Antonello Pietro Bazzu (Tàtari);
‘No dda cretas sa mellus’ de Antoni Naziu Garau (Biddobrana);
‘No avè parua di pignì’ de Giuseppe Tirotto (Calteddu);
‘Li celi…illi to’ occji!” de Gigi Angeli (Lu Palau);
‘Giru girendi’ de Angelica Piras (Su Masu);
Su die de sa premiatzione ant a intregare fintzas unu Premiu de sa Giuria
‘Sa bìngia de s’ànima’ de Giancarlo Secci (Quartu Sant’Aleni)
e unu prèmiu ispetziale a sas pitzocas e a sos pitzocos de s’istitutu Luisu Ozanu chi ant imbiadu tres otavas ( ‘Sa paghe - Sa libertade - Sa limba’) ideadas e istèrridas in intro de unu laboratòriu regionale (Frailes) extracurriculare de iscritura poètica in sardu.
S’apuntamentu cun sa premiatzione est a sas 5 de merie de su 31 in s’àula magna de s’istitutu Michelangelo Pira de Lupareddu (carrera de Dalla Chiesa).
.jpg)
