Et in Lùvula, Unitel cheret bator divulgadores e duos organizativos. E tocat a ischire fintzas su sardu

 

Sos tretos luvulesos de “Sos Enatos” - est cosa chi ischimus - sunt candidados pro ospitare s’Einstein Telescope, su progetu ambitziosu pensadu pro istudiare sas undas gravitatzionales. Ma s’iscièntzia no est fata petzi de machinàrios. Pro custu su Consòrtziu interuniversitàriu pro s’Universidade telemàtica de sa Sardigna (Unitel Sardegna) at annuntziadu una seletzione pùblica pro reclutare figuras crae a tretu de acumpangiare su territòriu in custa rivolutzione iscientìfica. Pro mèdiu de custu avisu si cherent individuare bator divulgadores territoriales e duos prepostos a su suportu organizativu e a sos servìtzios de òrdine. Sos primos bator ant a èssere sas “boghes” de su progetu cun sa tarea de dialogare cun sas comuniddaes in contu de s’Et e de s’importàntzia sua. In pagas paràulas unu ponte intre su mundu de sa chirca universitàrias e sos tzitadinos. Sos àteros duos ant a èssere imbetzes su “motore” de sos eventos, gestende sos flussos de sos bisitadores in sos isportellos prepostos, coordinende sa logìstica in sos compudos in loco, assegurende chi cada atividade pùblica s’acumprat in ispàtzios e cun atretzaduras dèghidas. Sos cuntratos sunt a tempus determinadu e prenu, riservados a espertos cun ispetzializatzione particulare e iscumproada (tocat a connòschere s’inglesu ma fintzas su sardu). Sas dimandas de ammissione cherent presentadas non prus a tardu de sa una de merie de su 26 de ghennàrgiu a Unitelsardegna. Inoghe sa fonte e sos liòngios a s’avisu e a sa modulìstica. https://www.comune.lula.nu.it/index.php/tzente/articoli/1455

mp