Bonus ìdricu 2026, dimandas finas a su primu de làmpadas

B’at tempus finas a su primu de làmpadas pro pòdere benefitziare de su Bonus ìdricu integrativu. S’initziativa, promòvida dae s’EGAS (s'Ente de guvernu de s'àmbitu de sa Sardigna), naschet cun sa punna de dare agiudu a sas famìlias cun fragilidade econòmica, pro chi potzant pagare cun prus pagos oriolos sas bulletas de s’abba.

Chie lu podet pedire?

Su sustegnu est dedicadu a chie vivet in comunes serbidos dae su gestore Abbanoa SpA e possedet un’indicadore ISEE intro de sos 20mìgia èuros. Su contributu est carculadu cunforma a sa cumpositzione de su nùcleu familiare e a sa fàscia de rèdditu:

• Pro sos chi ant un’ISEE prus bassu de 9mìgia èuros su bonus est de 25 èuros pro cada cumponente de sa famìlia.

• Per sos chi s’ISEE bi l’ant intre sos 9 e sos 20mìgia èuros su contributu est de 20 èuros a persone.

Comente presentare sa dimanda

Est bastante a si collegare a su portale www.bonusacqua.it sighende sa protzedura ghiada in sa piataforma EGAS. Una bia imbiada, sa pràtica at a lòmpere deretu a su Comune de residèntzia, in ue s’at a pòdere rechèdere su nùmeru de protocollu relativu.

Sighende imbetzes sos canales traditzionales, si diat pòdere cunsignare a manu s’istàntzia in s’Ufìtziu protocollu o iscriende a su protocollu pec de su Comune de residèntzia.

Ite est a tènnere in suta de ogros

Pro completare sa rechesta, tocat a pònnere in còpia fintzas custos tres documentos:

• Unu de identidade, vàlidu.

• Una còpia de sa bulleta de s’abba pro su bonus de b’aplicare.

• S’atestatzione de s’ISEE ordinàriu vàlidu.

mp